काभ्रे,
काभ्रे जिल्लाको नमोबुद्ध नगरपालिकामा कार्यस्थलमा आधारित ५० दिने सीप विकास तालिम शुभारम्भ भएको छ । आज नगर प्रमुख कुनसाङ लामाको अध्यक्षतामा तालिमको समुद्घाटन गरिएको हो । आर्थिक बर्ष २०८१÷०८२ का लागि श्रम रोजगार तथा सामाजिक सुरक्षा मन्त्रालय, प्रधानमन्त्री रोजगार कार्यक्रम अन्तर्गत युवा रोजगारीको लागि रुपान्तरण पहल आयोजना अन्तर्गत शसर्त अनुदान शिर्षकमा विनियोजन भएको कार्यस्थलमा आधारित सीप÷क्षमता विकास तालिम एवं जीवन उपयोगी तालिम (Plumbing÷masonary) सुरु भएको हो । तालिममा ४० जना सहभागि भएका छन् ।
प्रमुख प्रशासकीय अधिकृत कृष्ण गिरीले स्वागत मन्तब्य राख्नुभएको कार्यक्रममा वडा नं २ का वडा अध्यक्ष कविराज श्रेष्ठले तालिमको सान्दर्भिकता प्रस्ट पार्नुभएको थियो । त्यसैगरि नगर प्रमुख कुनसाङ लामाले तालिममा सहभागीहरुलाई तालिम लिएर सीप युक्त जनशक्ति बन्दै नगर र रास्ट्रको बिकासमा लाग्न आग्रह गर्नुभएको । आजबाट सुरु भएको तालिम ५० दिनसम्म सञ्चालन हुने छ ।
तालिम उद्घाटन कार्यक्रममा वडा नं.२ का अध्यक्ष कविराज श्रेष्ठ, वडा नं ६ का वडा अध्यक्ष टिका बहादुर के.सी, वडा नं १० का वडा अध्यक्ष रामकृष्ण उपाध्याय, वडा नं ११ वडा अध्यक्ष तथा स्थानीय निर्देशक समिति सदस्य कृष्ण बहादुर तामाङ लगायत बिभिन्न वडाका जनप्रतिनिधीहरु सहभागि भएका थिए । कार्यक्रम नगरपालिकाका रोजगार संयोजक अमृत खनालले संचालन गर्नुभएको थियो ।
