काभ्रे,रेडियो रोशी,
काभ्रे जिल्लाको रोशी गाउँपालिकाले निःशुल्क लोक सेवा आयोग तयारी विशेष कक्षा संचालन गर्ने भएको छ । गाउँपालिकाको स्वीकृत कार्यक्रम बमोजिम प्रदेश लोक सेवा आयोग, बागमती प्रदेशको सहायकस्तर तहको पाठ्यक्रममा आधारित रही कक्षा संचालन गर्न लागिएको हो ।
कक्षामा सहभागि हुन रोशी गाउँपालिकाको स्थायी बासिन्दा भएको, निवेदन पेश गर्ने मितिसम्म १८ वर्ष पूरा भई ३५ वर्ष ननाघेको, महिलाको हकमा ४० वर्ष ननाघेको र मान्यताप्राप्त शिक्षण संस्थाबाट +२ वा सो सरह उत्तीर्ण भएका ईच्छुक नागरिकहरुले आजको मितिले १५ दिन भित्र गाउँपालिका कार्यालयमा निवेदन पेश गर्नुहुन गाउँपालिकाका प्रमुख प्रशासकीय अधिकृत शिव प्रसाद भन्तनाद्धारा हस्ताक्षरित सूचनामा भनिएको छ ।
कक्षामा सहभागि हुन संलग्न गर्नुपर्ने कागजातहरुः
१. शैक्षिक योग्यताको प्रमाणपत्रको प्रतिलिपि,
२. २ प्रति पासपोर्ट साइजको फोटो,
३. नागरिकता प्रमाणपत्रको प्रतिलिपि,
४. वैयक्तिक विवरण (CV),
५. तयारी कक्षामा समावेश हुने सम्बन्धी निवेदन।
