काभ्रे,
रोशी गाउँपालिका वडा न ११ भदौरेका अग्निपिडित राम बहादुर मैनालीको परिवारलाई राहत सामग्री वितरण गरिएको छ । हिजो गाउँपालिका अध्यक्ष दिनेश लामा र वडा अध्यक्ष लाल कुमार पाख्रीन घटनास्थलमै पुगेर तत्कालका लागि दैनिक जीवनमा प्रयोग हुने सामग्रीहरु वितरण गरेका हुन् । गाउँपालिका अध्यक्ष दिनेश लामा र वडा अध्यक्ष लाल कुमार पाख्रीनले घटनास्थलको अवलोकन पश्चात अग्निपिडित परिवारलाई दैनिक जीवनमा प्रयोग हुने भाडाकुडा, खाद्य सामग्री लगायत सामग्रीहरु वितरण गरेका हुन् ।
बिहिवार भदौरेका राम बहादुर मैनालीको टिनले छाएको ढुङगा माटोले बनेको दुई तले कच्ची घरमा अचानक बिजुलीको तार सर्ट भई घरमा आगलागी भएको थियो । आगोलागीबाट लत्ताकपडा, अन्नपात, भाडावर्तन, सुनका गरगहना, नगद जलेर नष्ट भएको थियो । आगोलागीबाट घर पुर्ण रुपमा क्षतिग्रस्त भएपनि मानविय तथा पशुचौपाय क्षति नभएको इप्रका मंगलटारले जनाएको छ ।
