काभ्रे,
काभ्रे जिल्लाकोे रोशी गाउँपालिका वडा नं. १० वाल्टीङका लोपोन्मुख हायु जातिलाई १५ दिने हायु भाषा प्रशिक्षण दिईएको छ । हिजो ( शनिबार) हायु समाज नेपालका केन्द्रिय अध्यक्ष लक्ष्मण हायुको अध्यक्षता भाषा प्रशिक्षण कार्यक्रम समापन भएको हो ।
हायु समाज नेपालको आयोजना, जिल्ला समिति काभ्रेको संयोजन तथा आदिवासी जनजाति उत्थान राष्ट्रिय प्रतिष्ठानको आर्थिक सहयोगमा गत जेठ ४ गतेबाट हायु भाषा प्रशिक्षण शुरु भएको थियो । भाषा प्रशिक्षणमा अभिभावक र बाबबालिकाहरु गरी ३३ जना सहभागि भएका थिए ।
भाषा प्रशिक्षण सिन्धुलीका प्रशिक्षक ओम हायुले दिनुभएको थियो । प्रशिक्षण पश्चात वाल्टीङका हायुहरुले सामान्य भाषा बोल्न सक्ने भएको प्रशिक्षक ओम हायुले जानकारी दिनुभयो ।
भाषा प्रशिक्षणको अन्त्यमा प्रशिक्षार्थीहरुको भाषा परिक्षा समेत लिईएको थियो । उक्त परिक्षामा बिन्दा हायु प्रथम, तारा हायु दोस्रो र सुशिला हायु तेस्रो भएका छन् । उनीहरुलाई नगदसहित प्रमाणपत्र प्रदान गरीएको छ । भाषा प्रशिक्षण समापन कार्यक्रम केन्द्रिय कोषाध्यक्ष बिमला हायुले सञ्चालन गर्नुभएको थियो ।
