काभ्रे,
रोशी गाउँपालिकाभित्र लघु तथा साना उद्यमहरू संचालन गर्दै आईरहेका ४८० जना उद्योगी व्यवसायीहरूलाई अभिमुखिकरण गराईएको छ । रोशी गाउँपालिकाको समन्वय र रोशी उद्योग वाणिज्य संघको आयोजनामा वडा न २ बाट शुरु भएको अभिमुखिकरण कार्यक्रम वडा न ८ मा पुगेर हिजो सम्पन्न भएको हो ।
यो अबधिमा विभिन्न समयमा गाउँपालिकाको विभिन्न वडामा पुगेर व्यवसायीहरूलाई अभिमुखिकरण गराईएको थियो । आई.एल.ओ प्राप्त प्रशिक्षक जया बुढाथोकिले व्यवसायीहरूलाई अभिमुखिकरण गराउनुभएको हो ।
लघु तथा साना व्यवसायी तथा व्यापारीहरुलाई उद्योग, व्यवसाय दर्ता प्रकृया, उपलब्ध सेवा सुविधा आदिका बारेमा एक÷एक दिने अभिमुखीकण कार्यक्रम संचालन गरेको रोशी उद्योग वाणिज्य संघका अध्यक्ष गणजित बल (मनिष) ले जानकारी दिनुभयो । त्यस्तै अभिमुखीकरणको क्रममा उद्योगी व्यवसायीले भोगिरहेका समस्या र तिनका समाधानका बारेमा बृहत छलफल गरिएको उँहाले जानकारी दिनुभयो ।
छलफलबाट प्राप्त सुझावहरू एव समाधानका लागि गर्न सकिने कृयाकलापहरू समेटेर रोशी उद्योग वाणिज्य संघले सुझावसहित प्रतिवेदन रोशी गाउँपालिकाका अध्यक्ष दिनेश लामालाइ बुझाएको छ ।
