काभ्रे,रेडियो रोशी,
काभ्रे जिल्लाको नमोबुद्द नगरपालिकामा “स्थानीय सरकारसँग नेपाल बीमा प्राधिकरण” विषयक अन्तरक्रिया तथा छलफल कार्यक्रम सम्पन्न भएको छ । आज बुधबार नेपाल बीमा प्राधिकरण कुपोन्डोल ललितपुरको आयोजना तथा नमोबुद्द नगरपालिकाको समन्वयनमा नगरप्रमुख कुन्साङ लामाको प्रमुख आतिथ्यता तथा नेपाल बीमा प्राधिकरणका उपनिर्देशक राजेन्द्र महर्जनको सभाध्यक्षतामा कार्यक्रम सम्पन्न भएको हो । कार्यक्रममा नेपाल बीमा प्राधिकरणका उपनिर्देशक राजेन्द्र महर्जनले स्वागत मन्तब्य राख्नभएको थियो ।
उहाँले नेपाल बीमा प्राधिकरणको परिचय, यसको प्रदेशगत संरचना, बीमा प्राधिकरणको प्रमुख कार्यक्षेत्र, नेपाल बीमा प्राधिकरणको काम, कर्तब्य, मानबिय जिबनमा आईपर्ने प्राकृतिक जोखिमहरुमा बीमाको महत्व, जिबन बीमा र निर्जिवन बीमाको बारेमा, बीमाको बिकासमा स्थानीय सरकारको भुमिकाको बारेमा प्रस्ट पार्नुभएको थियो । त्यसैगरी संघीय सरकारबाट बीमा प्रबर्धनका लागि गरीएका प्रयासहरु, स्थानीय सरकारसँग नेपाल बीमा प्राधिकरणको अपेक्षा, बीमा बिकासमा स्थानीय सरकारलाई प्रााधिकरणले गर्न सक्ने सहयोगको बारेमा प्रस्ट पार्नुभएको थियो ।
कार्यक्रममा नगरपालिका भित्रका पशुपालक तथा कृषकहरुले बीमा गरेर भुक्तानी प्राप्त गर्न समस्या, बीमा गरेर पशुको उचित मुल्याङ्कन हुन नसकेको लगायतका समस्याहरु उठाएका थिए । कार्यक्रममा उठेका प्रश्नहरुको नेपाल बीमा प्राधिकरणका उपनिर्देशक राजेन्द्र महर्जनले सम्बोधन गर्नुभएको थियो ।
कार्यक्रममा नमोबुद्द नगरपालिकाका नगर प्रमुख कुन्साङ लामाले नगरपालिकामा आएर जनप्रतिनिधि तथा नागरिकहरुमा अझै बिस्तृत रुपमा बीमाको बारेमा सूसूचित गराएकोमा नेपाल बीमा प्राधिकरणका उपनिर्देशक राजेन्द्र महर्जन प्रति आभार ब्यक्त गर्नुभएको छ । कतिपय बीमा कम्पनिहरुले बिमितहरुको मर्म अनुरुप काम नगरेको उदाहरण दिनुहुदै उहाँले बीमा प्राधिकरणले बिमितहरुको भावना अनुरुप सुबिधा प्रदान गर्नुपर्ने बताउनुभयो ।
त्यसैगरी प्रमुख प्रशासकीय अधिकृत कृष्ण गिरीले आजको समयमा बीमा कार्यक्रम बिना कुनैपनि कार्य सफल नहुने बताउनुहुदै भविस्य सुनिश्चित गर्न बीमा पनि अति आवस्यक रहेको बताउनुभयो । भैपरि आउने बिपत्तिहरुमा बीमा कार्यक्रमले जिबन सरल र सहज बनाउने भएकाले सम्पुर्ण नागरिकहरुले आफु र आफ्नो सम्पतिको बीमा गर्न आवस्यक रहेको बताउनुभयो ।
वडा नं. २ का वडा अध्यक्ष कबिराज श्रेष्ठले पशु तथा अन्य बीमा बापतको क्षतिपुर्ति रकम प्राप्त गर्न निक्कै झन्झट र समस्या हुनेगरेको बताउनुहुदै यो समस्या तत्काल समाधान गर्नुपर्ने बताउनुभयो ।
कार्यक्रममा नमोबुद्द नगरपालिका प्रमुख प्रशासकीय अधिकृत कृष्ण गिरी, बिभिन्न वडाका वडा अध्यक्ष्यहरु, नमोबुद्व नगरपालिका नगर युवा परिषद् कार्यकारी उपाध्यक्ष रामेश्वर अधिकारी, बिभिन्न्न बैङ्क तथा बित्तिय संस्थाका पदाधिकारीहरु, बिभिन्न बिद्यालयहरुका शिक्षकहरु लगायतको सहभागिता रहेको थियो ।
