काभ्रे,रेडियो रोशी
२०८१ को माध्यमिक शिक्षा परीक्षा (एसईई) मा रोशी गाउँपालिका भित्रका ३ वटा बिद्यालयमा शतप्रतिशत विद्यार्थी उत्तीर्ण भएका छन् । हिजो प्रकाशित नतिजा अनुसार गाउँपालिकाको वडा नं.२ मा रहेको श्री लक्ष्मी नारायण मावि, वडा नं.५ मा रहेको श्री भुमेस्थान मावि र वडा नं.६ मा रहेको श्री हरिसिद्धि माविका शतप्रतिशत विद्यार्थी उत्तीर्ण भएको रोशी गाउँपालिकाको शिक्षा शाखाका वरिष्ठ विद्यालय निरीक्षक ठाकुर प्रसाद दाहालले जानकारि दिनुभयो । परीक्षामा लक्ष्मी नारायण माविबाट साधारण धार तर्फ १३ र प्राविधिक तर्फ २१ गरि ३४ जना, भुमेस्थान माविबाट ८ जना र हरिसिद्धि माविबाट २० जना विद्यार्थीहरु एसईई परीक्षामा सहभागि भएका थिए ।
त्यसैगरि उच्चतम जीपीएको आधारमा रोशी–९ मा रहेको श्री मंगल जन विजय मावि रोशी भरिमैै प्रथम बनेको छ । मंगल जन विजय माविका छात्र निसान खरेलले ३.६१ जिपिए ल्याउनुभएको दाहालले जानकारि दिनुभयो । यो बिद्यालयबाट ३७ जना परीक्षामा सहभागि भएकामा ३१ जना उत्तीर्ण भएका छन् ।
गाउँपालिका भित्रका बिभिन्न १७ वटा बिद्यालयहरुबाट ४०१ जना विद्यार्थीहरु परीक्षामा सहभागि भएका थिए । यसमध्ये बिभिन्न कारणबस ४ जना विद्यार्थी परीक्षामा अनुपस्थित भएर ३९७ जनाले एसईई परीक्षा दिएका थिए ।
