काभ्रे,
असार १५ अर्थात राष्ट्रिय धान दिवसको अवसरमा नव प्रतिभा बाल क्लबको आयोजनामा श्री जगवैजेश्वर त्रिवेणी धाम परिसरमा वृक्षरोपण तथा सरसफाइ गरिएको छ । नमोबुद्ध–७ भकुञ्डेवेशीमा अवस्थित श्री नव प्रतिभा अङ्ग्रेजी माध्यमिक विद्यालयको नव प्रतिभा बाल क्लबको आयोजनामा वृक्षरोपण तथा सरसफाइ गरिएको हो ।
उक्त कार्यक्रममा बाल क्लबका अध्यक्ष रिकेशा उप्रेती, उपाध्यक्ष शिला न्यौपाने र कोषाध्यक्ष समिर सिग्देलले श्री जगवैजेश्वर त्रिवेणीधाम संरक्षण तथा व्यवस्थापन समितिका उपाध्यक्ष माधवप्रसाद खनाल र सदस्य विदुरप्रसाद बर्तौलालाई विभिन्न जातका विरुवाहरु हस्तान्तरण गरेका थिए ।
उपाध्यक्ष माधवप्रसाद खनाल र सदस्य विदुरप्रसाद बर्तौलाले वृक्षरोपणका लागि बाल क्लबका सदस्यहरुलाई सहयोग तथा सहकार्य गर्नुभएको थियो । यस अवसरमा उपाध्यक्ष खनालले यस्तो पवित्र स्थलमा वृक्षरोपण तथा सरसफाइको कार्यक्रम आयोजना गरेकोमा आफूलाई अत्यन्त खुसी लागेको बताउनुहुदै विरुवा जस्तै बढेर , पढेर असल नागरिक बनी यस्तै सधै यस्तै परोपकारी कार्यमा लाग्न आग्रह गर्नुभयो । कार्यक्रममा विद्यालयको संस्थापक सन्तोष अधिकारी र प्रधानाध्यापक विवेक कुमार तामाङले बाल क्लबलाई सहजीकरण गरेका थिए ।
