काभ्रे,
असोज १०, ११ र १२ गते परेको अबिरल वर्षासँगै आएको पहिरोले रोशी गाउँपालिका वडा नं. ९ रजबासको झिल्केटोल र देउराली बस्ती नै विस्थापित भएको छ । पहिरोको कारण रोशी–९ का वकिलबहादुर ठकुरी, नरेन्द्र ठकुरी, गणेश बहादुर ठकुरी, तप्तबहादुर ठकुरी, प्रेमबहादुर ठकुरी लगायत ६४ घरपरिवार पुर्ण रुपमा विस्थापित भएका छन् ।
पहिरोको कारण केहि परिवारको कमाइ खाने एक धुर जग्गा पनि बाकी छैन् । उनीहरु बाहेक झलक मगर, बेनबहादुर शाह ठकुरी, हरिकृष्ण शाह ठकुरी, बिनोदकुमार शाह ठकुरी, सुरेन्द्र शाह ठकुरी, नन्दराज शाह ठकुरी, बिजय राना मगर, हेमबहादुर शाह ठकुरी, चमेली शाह ठकुरी र गङ्गाराम राना मगर लगायत अन्य थुप्रै नागरिकहरुको वासस्थान पनि अत्यन्तै जोखिमपूर्ण अवस्थामा रहेको छ ।
यसका साथै विन्ध्यवासिनी मा.वि., सामुदायिक स्वास्थ्य इकाइ र मठ मन्दिरहरु पनि जोखिममा परेको छ । नेपालीहरुको चाड दशैको मुखमा यस्तो बिपत्ती आइपर्दा पहिरो पिडितहरुलाइ चाडबाड आएको पनि अनुभूति समेत हुन सकेन । अब हामीले कस्को आश गरेर बस्ने ? आफ्नो थाकथलो छोडेर जानुको बिकल्प छैन भन्दै विस्थापित बिष्णु कुमारी शाह भक्कानिनुभयो ।
बाढीपिडितको समस्या नियाल्न वडा अध्यक्ष सहित जनप्रतिनिधिहरु स्थलगत निरीक्षणमा पुगेर राहत वितरण कार्यलाई तिब्रता दिईरहेका छन् । बाढीपिडितहरुलाई तत्काल आवस्यक पर्ने खाद्याान्नहरू दाल, चामल, चिउरा, चिनी, चियापती लगायतका सामग्रीहरु वितरण कार्य भईरहेकोे वडा अध्यक्ष जनम तामाङले बताउनुभयो ।
