काभ्रे,
पुल भाँचिएर शुक्रवार रातिदेखि अवरुद्ध बनेको बनेपा–नाला–भक्तपुर सडक खण्ड ह्युमपाइप राखेर खुलाइएको छ । पुण्यमाता खोलाको पुल भाँचिएर अस्ति शुक्रवार रातिदेखि बनेपा–नाला–भक्तपुर सडकखण्ड अवरुद्ध थियो । काभ्रे र भक्तपुर सीमा क्षेत्र बनेपा नगरपालिका १ र ४ मा पर्ने पुल भाँचिएको थियो ।
अरनिको राजमार्गको धुलिखेल–सूर्यविनायक सडकको वैकल्पिक मार्गसमेत रहेको बनेपा–नाला–भक्तपुर सडकखण्डको बनेपा नगरपालिका र सडक विभागको पहलमा ह्युमपाइप र माटो राखेर मर्मतपछि आज बिहानदेखि गाडी चल्न थालेको जिल्ला ट्राफिक कार्यालय काभ्रेका प्रमुख सुनील ध्वाजुले जानकारी दिनुभयो ।
