यश कुमार परियार–भदौ २४,
२०७७,काभ्रे/

काभ्रे जिल्लाको रोशी गाउँपालिकाका अध्यक्ष डि.बि लामा मोक्तानले एक अनलाईनको ‘काभ्रे कांग्रेसमा ३ डनको भिडन्त’ नामक समाचार प्रति आफ्नो ध्यानाकर्षण भएको जनाएका छन् । गाउँपालिका अध्यक्ष मोक्तानले एक प्रेस विज्ञप्ति जारी गर्दै आफुलाई कुन आधारमा ‘डन’को उपनाम दिईएको हो, त्यसलाई प्रमाणित गरेर देखाउन पनि चुनौती दिएका छन् ।

उनले जारी गरेको विज्ञप्तिमा ‘मिति २०७७ साल भदौ २४ गते www.updatekhabhar.com नामक अनलाईन मिडियाले काभ्रे कांग्रेसमा तीन डनको भिडन्त शिर्षकमा प्रकाशित समाचार प्रति मेरो गम्भिर ध्यानाकर्षण भएको छ । साविकको १४ अञ्चल ७५ जिल्ला, हाल ७ प्रदेश ७७ जिल्ला भरी रहेको कुनै अड्डा अदालत, प्रहरी कार्यलयमा उजुरी परेको वा परेर पनि सजाय भुक्तान गरेको वा म द्वारा पिडित कोहि एक जना मात्र पनि भेट्टाईदिन म सो मिडियालाई खुल्ला चुनौती दिन चचाहन्छु र यस किसिमको समाचारमा अपराधिक क्रियाकलापमा संलग्न डन जस्ता शब्दहरु बिना प्रमाण लेख्ने अधिकार पत्रकारलाई हुन्छ ?’ भन्दै प्रश्न गरिएको छ ।

विज्ञप्तिमा ‘आफु महादिवेशन भन्दा पनि जनप्रतिनिधि भएकाले जनताको सेवामा प्राथमिकताको साथ लागेको र पार्टिमा कुनै गुट उपगुट बनाउनु भन्दा पनि सिंगो कांग्रेस रहेको साथै राजनैतीक हिसाबले एउटै पार्टिमा रहनुभएका नेता द्वय तिर्थ लामा र गणेस लामासँग र न्य नेताहरुसँग पनि राम्रो सम्बन्ध रहेकोले आज सम्म न कोहि सँग भिडन्त गरे र भोली पनि कोहि सँग त्यस्तो व्यवहार नगर्ने व्यक्ति भएको र विगत ३ वर्ष देखि रोशीका जनताको अपार मायामा कार्य सम्पादन गरिरहेको छु । यस किसिमको विगत पृष्ठभूमि न थियो न हुने नै छ । तसर्थ बिना तथ्य व्यक्तिको मानमर्दन गर्ने अधिकार पत्रकारलाई हुने छैन र यस किसिमको दुष्प्रचारको अभिष्ट के का लागि रचियो भन्ने पनि समय क्रमले बताउँला । अतः यस प्रकारका समाचार सम्प्रेशष नगर्न समेत सम्बन्धित सबैमा ध्यानाकर्षण गराउँदछु’ भनिएको छ ।

बुधबार सो अनलाईनले नजिकिदै गरेको महादिवेशनमा काभ्रे कांग्रेसका ३ नेताले डनको भुमिका खेलेको समाचार प्रकाशन गरेका थिए । समाचारमा विभिन्न अपराधीक गतिविधिमा नाम जोडीदै आएका ३ दोस्ती नेता पुर्व सांसद तिर्थ लामा, काभ्रे क्षेत्र नं. २ ख प्रदेशसभा निर्वाचनका उम्मेदवार गणेश लामा र रोशी गाउँपालिका अध्यक्ष डि.बि. लामाले राजनीतिमो एक अर्को विरुद्ध मोर्चा कसेर लागिपरेको लेखेको थियो ।

समाचार प्रकाशन भएपछि सो समाचारको धेरैले विरोध र खण्डन गरेका छन् । मनघडक कहानी सहितको समाचार प्रकाशन भएको भन्दै थुप्रैले पत्रकारमाथी गाली गलौच सहित आक्रोस पोखेका छन् ।

Facebook Comments