काभ्रे,
पनौती नगरपालिका वडा नम्बर ९ ईट्टेमा अटो दुर्घटना हुँदा रोशीकी रोमाकुमारी सहित चार जना घाईते भएका छन् । शंखुबाट पनौती तर्फ जाँदै गरेको अटो दुर्घटनामा भएको हो । अटोमा चालक सहित ६ जना सवार मध्ये ४ जना घाईते भएको हुन् । घाईते हुनेमा रोशी गाउँपालिका वडा नम्बर ३ का करिब ७० वर्षीय रोमाकुमारी अधिकारी रहेकी छिन् । उनको टाउको र दाहिने हातमा चोट लागेको छ ।
त्यसैगरी पनौती नगरपालिका वडा नम्बर १२ का ४१ बर्षीय चन्द्रावती केसीको अनुहारमा चोट लागेको छ । पनौती नगरपालिका वडा नम्बर १० खोपासीका ३५ बर्षीय बिमला खत्री टाउकोमा चोट लागेको र अटो चालक पनौती पनौती नगरपालिका वडा नम्बर ९ का २३ बर्षीय विकास तिमिल्सिनाको दाहिने घुँडामा चोट लागेको प्रहरीले जनाएको छ । घाईतेहरुको धुलिखेल अस्पतालमा उपचार भैरहेको छ । अटो अनियन्त्रित भई सडकबाट करिब ८ फिट तल पल्टिएको बताईएको छ ।
