काभ्रे,
बनेपामा भएको बुद्धचित्त माला चोरीको घटनामा संलग्न तीन जनालाई प्रहरीले पक्राउ गरेको छ । पक्राउ पर्नेहरूमा महाभारत गाउँपालिका–४ बस्ने १९ वर्षीय विवेक लामा, सोही गाउँपालिका–२ बस्ने २० वर्षीय मिलन मोक्तान र वडा नं. ३ बस्ने १९ वर्षीय लबाङ तामाङ रहेका छन् ।
जिल्ला प्रहरी कार्यालय काभ्रेका अनुसार प्रहरीको प्रारम्भिक अनुसन्धान अनुसार असार २१ गते राति करिब १ः२० बजे बनेपा नगरपालिका–१०, रेशम मार्गस्थित भवानी पाण्डेको घरको कम्पाउण्डमा रहेको बुद्ध चित्त माला चोरी भएको थियो ।
उनीहरुले माला चोरी गरी जुत्ता, चप्पल छाडेर भागेका थिए । घटनास्थलको सिसिटिभी फुटेजको आधारमा उनीहरुलाई असार २६ गते बनेपा नगरपालिका वडा नं. ८ बाट पक्राउ गरेको प्रहरीले जानकारी दिएको छ ।
