काभ्रे,
प्रधानमन्त्री सुशीला कार्कीले आज मन्त्रिपरिषद् विस्तारको तयारी गर्नुभएको छ । आज स्वास्थ्य तथा जनसंख्या, संस्कृति पर्यटन तथा नागरिक उड्डयन, श्रम तथा रोजगार र युवा तथा खेलकुद मन्त्रालयले नयाँ मन्त्री पाउने बालुवाटार स्रोतको दाबी छ ।
नयाँ बन्ने मन्त्रीहरुमा डा. सुधा शर्मा गौतम, गणपति लाल श्रेष्ठ, खगेन्द्र सुनार र बब्लु गुप्ता छन् । गौतमलाई स्वास्थ्य तथा जनसंख्या, श्रेष्ठलाई संस्कृति पर्यटन तथा नागरिक उड्डयन, सुनारलाई श्रम तथा रोजगार र गुप्तालाई युवा तथा खेलकुद मन्त्रालयको जिम्मेवारी तोकिएको छ ।
उनीहरु चारै जनाको नामावली प्रधानमन्त्री सुशीला कार्कीले राष्ट्रपति कार्यालयमा सिफारिस गरिसकेको स्रोतले बताएको छ । आइतबार नै मन्त्रिपरिषद् विस्तार हुने बताइएको भए पनि राष्ट्रपति कार्यालयले भने शपथको कार्यक्रम सार्वजनिक गरिसकेको छैन ।
