काभ्रे,
काभ्रेपलाञ्चोक जिल्लाको रोशी गाउँपालिकामा प्रथम राष्ट्रिय रोशी कप फुल कन्ट्याक्ट कराँते प्रतियोगिता–२०८२ सम्पन्न भएको छ । विश्व स्वतन्त्र क्योकुशिन संघ नेपाल (डब्लुआइकेओ) को आयोजना तथा रोशी गाउँपालिकाको सहयोगमा आयोजित प्रतियोगिता आज रोशी गाउँपालिकाका उपाध्यक्ष मिम बहादुर वाईबा (ज्वाला) को प्रमुख आतिथ्यता एवम् डब्लुआइकेओ का प्रमुख दिल दोर्जे लामाको सभापतित्वमा सम्पन्न भएको हो ।
प्रतियोगिता हिजो र आज दुई दिन चलेको थियो ।प्रतियोगिताको पहिलो दिन हिजो रोशी गाउँपालिकाका अध्यक्ष दिनेस लामाले उद्घाटन गर्नुभएको थियो।
प्रतियोगितामा ३५ केजी मुनि महिला तर्फ प्रथम सितल तामाङ, दोस्रो अनामिका तामाङ, कुमारी तामाङ र एलिना लामा तेस्रो भएका छन् ।
४५ केजी मुनि महिला तर्फ रिना माझी प्रथम, कुसुम थिङ, तेस्रो सिर्जना थापा र प्रियशा मगर भएका छन् ।
५५ केजी मुनि महिला तर्फ निशा सुनुवार प्रथम, सविता मिजार दोस्रो, अनिशा तामाङ र पूर्णिमा तामाङ, महिला भारी वजन तर्फ सुमित्रा नगरकोटीप्रथम, रोशनी लामा दोस्रो, रुबिना श्रेष्ठ र ऋतिका सुर्खेती तेस्रो भएका छन् ।
त्यस्तै ३० केजी मुनि पुरुष तर्फ आर्यन तामाङ प्रथम, दिपेक लोप्चन दोस्रो, रोहन बि.के र सुमन बि.के तेस्रो, ३५ केजी मुनि पुरुष तर्फ विनय तामाङ प्रथम, राजु तामाङ दोस्रो, माणिक मोक्तान र सुबराज थिङ तेस्रो भएका छन् ।
४० केजी मुनि पुरुष तर्फ रोमन तामाङ पहिलो, अजित तामाङ दोस्रो, अभिराज लामा र प्रकाश तामाङ तेस्रो, ४५ केजी मुनि पुरुष तर्फ रमित महर्जन प्रथम, अनिल बोहरा दोस्रो, अमिर तामाङ र वीरध्वज मोक्तान तेस्रो भएका छन् ।
५० केजी मुनि पुरुष तर्फ प्रभात स्याङ्तान पहिलो, राजेश नगरकोटी दोस्रो, सुमन स्याङ्तान र मनोज तामाङ तेस्रो, ५५ केजी मुनि पुरुष तर्फ होमबहादुर राई प्रथम, शमूल मगर दोस्रो, साम्तेन लामा र निश्चल तामाङ तेस्रो भएका छन् ।
महिला काता तर्फ सोनाक्षी लामा प्रथम, आशमान तामाङ दोस्रो र सोनिया लामा तेस्रो, पुरुष काता तर्फ सरोज थिङ, आयुष अधिकारी दोस्रो र सुदीप ग्याबा तेस्रो भएका छन् ।
खेलाडीहरुलाई कार्यक्रमका प्रमुख अतिथी मिम बहादुर वाइबा, विशिष्ट अतिथिहरु लगायत अतिथिहरुले प्रमाणपत्र बितरण गरेका थिए ।
कार्यक्रममा बोल्नुहुदै प्रमुख अतिथी मिम बहादुर वाईबा ज्वालाले कराँते खेल सङसङै हरेक प्रकारको खेलहरुको विकास र विस्तारका लागि पालिकाले विशेष प्राथमिकता दिएको बताउनुभयो । आगामी दिनहरुमा खेलमा अझ उत्कृष्टता प्रदर्सन गरेर देसको नाम उच्च बनाउने गरि खेल्न आग्रह गर्नुभयो ।
कार्यक्रममा जिल्ला खेलकुद विकास समिति काभ्रेपलाञ्चोकका अध्यक्ष मानवीर वाईबाले कराँते खेललाई नितिगत रुपमै राष्ट्रपति रनिङ शिल्ड प्रतियोगितामा समावेश गरेर जानुपर्नेमा जोड दिनुभयो ।
विश्व स्वतन्त्र क्युकोशिन कराते संघका अध्यक्ष दिलदोर्जे तामाङले प्रतियोगिता एकपछि अर्को वर्ष विशेष बन्दै गइरहेको बताउनुभयो । ग्रामीण भेगबाट खेलाडी उत्पादन गर्ने यो प्रतियोगिताले निकै मद्दत गरेको बताउनुभयो ।
त्यसैगरी ब्यवसायी एवं समाजसेवी स्मृता तामाङले विद्यालय तहबाटै खास गरी किशोरीहरुका लागि आत्मा रक्षा तालिम दिइनुपर्ने बताउनुभयो ।
