काभ्रे,रेडियो रोशी,
रोशी गाउँपालिकामा सञ्चालित विद्यालय–केन्द्रित पाठेघरको मुखको क्यान्सर विरुद्धको (एचपिभी) खोप अभियान, २०८२ सफलतापूर्वक सम्पन्न भएको छ। गाउँपालिकाका सबै वडाहरूमा रहेका लक्षित उमेर समूहका किशोरीहरूलाई समेट्दै माघ २६ देखी २९ गतेसम्म खोप अभियान सञ्चालन भएको थियो ।
गाउँपालिकाको स्वास्थ्य शाखाले सार्वजनिक गरेको तथ्याङ्क अनुसार, यस अभियानमा ९९ प्रतिशत खोप उपलब्धि हासिल भएको छ। गाउँपालिका भित्रका सबै वडाहरूमा रहेका लक्षित उमेर समूहका १९८ किशोरीहरू मध्ये १९६ जना किशोरीहरूले खोप लगाएको स्वास्थ्य शाखाका दिलरत्न शाक्यले बताउनुभयो । यसले गाउँपालिकाभित्रका लगभग सबै लक्षित किशोरीहरू खोपको पहुँचमा पुगेको पुष्टि गरेको छ । अभियानमा लक्षित उमेर समूहका २ जना किशोरी भने बिभिन्न कारणबस खोप लगाउन छुटेका छन् ।
उक्त खोप कार्यक्रमको प्रभावकारी कार्यान्वयनका लागि स्थानीय तह÷जनप्रतिनिधिहरू, विद्यालय व्यवस्थापन समिति, शिक्षक तथा स्वास्थ्यकर्मीहरूको महत्वपूर्ण साथ, सहयोग र समन्वय रहेको थियो। साथै कार्यक्रम अवधिभर स्वास्थ्य शाखा, वडा तह तथा विकास साझेदार संस्थाहरूबाट नियमित अनुगमन तथा सुपरिवेक्षण भएको थियो ।
