काभ्रे, रेडियो रोशी,
काभ्रे जिल्लाको रोशी गाउँपालिका पुर्ण खोप सुनिस्चितता तथा दिगोपना पालिका घोसणा भएको छ । आज जिल्ला समन्वय समिती उप–प्रमुख रिम बहादुर तामाङको प्रमुख आतिथ्यता तथा गाउँपालिका अध्यक्ष दिनेश लामाकोे सभापतित्वमा पालिकालाई पुर्ण खोप सुनिस्चितता तथा दिगोपना पालिका घोसणा गरिएको हो ।
कार्यक्रममा स्वागत मन्तव्य राख्नुहुदैँ गाउँपालिकाका प्रवक्ता तथा वडा नम्बर १२ का वडाध्यक्ष वसन्त कुमार तामाङले पालिकालाई पुर्ण खोप सुनिस्चित गर्न प्राकृतिक बिपत्तिको समयमा पनि निरन्तर खटिने सम्पुर्ण स्वास्थ्यकर्मीहरु प्रति आभार व्यक्त गर्नुभयो ।
कार्यक्रमका प्रमुख अतिथि जिसस उपप्रमुख रिम बहादुर तामाङले बालबालिकाको स्वास्थ्य सुरक्षाका लागि दिइने खोप सेवामा गुणस्तर कायम राख्न स्वास्थ्यकर्मीहरूलाई आग्रह गर्नुभयो । पालिका अध्यक्ष लामाले स्वास्थ्यकर्मीहरूको योगदानको प्रशंसा गर्नुहुदै आगामी दिनमा पनि यस्तै सहयोगको अपेक्षा रहेको बताउनुभयो । त्यस्तै गाउँपालिका उपाध्यक्ष मिम बहादुर वाइबा (ज्वाला) ले गाउँपालिकाबासीलाई बधाई ज्ञापन गर्नुहुदैँ स्वास्थ्यकर्मीहरूलाई धन्यवाद व्यक्त गर्नुभयो ।
पालिका भित्रका १६ महिना देखि ५९ महिना सम्मका सम्पुर्ण बालबालिकाहरुले राष्ट्रिय खोप तालिका बमोजिम १५ महिनाभित्र पाउनुपर्ने सम्पुर्ण प्रकारका खोपहरु पाएको सुनिश्चित भएको तथा पुर्ण खोप दिगोपना कायम रहेको हुँदा पालिकालाइ पुर्ण खोप सुनिश्चितता पालिका घोषणा गरिएको हो । यसअघि बिभिन्न समयमा वडा तहमा समेत घोषणा कार्यक्रम सम्पन्न भइसकेको थियो । जिल्ला खोप समन्वय समितीले पालिकालाई पुर्ण खोप सुनिस्चितता तथा दिगोपना पालिका घोसणा भएको प्रमाणपत्र प्रदान गरेको छ ।
कार्यक्रममा पालिकालाई पूर्ण खोप सुनिश्चितताका लागि योगदान पु¥याउने १२ वटै वडाका स्वास्थ्य चौकी प्रमुखहरुलाई सम्मान पत्रद्धारा सम्मान गरिएको थियो । साथै आगामी दिनमा कुनै पनि अवस्था वा परिस्थितीमा पनि यस वडाका कुनै पनि बालबालिकाहरु कुनै पनि खोप लिनबाट बञ्चित हुने छैनन् भनि पालिका अध्यक्ष, उपाध्यक्ष, वडाअध्यक्षहरु, स्वास्थ्यकर्मीहरु, कर्मचारीहरुद्धारा प्रतिबद्धता पत्रमा सामुहिक हस्ताक्षर समेत गरीएको थियो ।
कार्यक्रममा गाउँपालिकाका प्रमुख प्रशासकीय अधिकृत टंक बहादुर नेगी, जिल्ला जनस्वास्थ्य कार्यालय काभ्रेका प्रतिनिधि अर्जुन खड्का, बिभिन्न वडाका वडाध्यक्षहरू, स्वास्थ्य शाखा प्रमुख दिलरत्न शाक्य, स्वास्थ्यकर्मीहरू, गाउँपालिकाका बिभिन्न शाखाका प्रमुख तथा कर्मचारीहरू लगायतको सहभागिता रहेको थियो ।
