काभ्रे,
साहित्यकार तारादेवी सुनुवारको कविता संग्रह ‘जिर्मा’ हङकङमा सार्वजनिक भएको छ । हङकङ साहित्यिक साझा श्रृङ्खलाको १५६औँ श्रृङ्खला अन्तर्गत आयोजित कार्यक्रममा ‘जिर्मा’ सार्वजनिक भएको हो । संयोजक जुनू रानाको अध्यक्षता आयोजित कार्यक्रममा वरिष्ठ साहित्यकार श्री राज कुमार राईले कविता संग्रहमाथि टीप्पणी गर्नु भएको थियो ।
कवि सुनुवारको अनुसार ‘जिर्मा’ केवल एउटा कविताको नाम नभएर सभ्यता र द्वन्द्व को सङ्गम हो । एकातिर मध्यपानलाई निषेध गर्ने समाज छ, अर्काेतिर जन्मदेखि मृत्यसम्म यसैको पवित्रता खोज्ने संस्कार छ । कोदोको सानो दानाबाट तयार हुने जिर्मा कसैको लागि कु अन्न होला तर कसैको लागि अपरिहार्य छ । कोदोको दानाभित्र एउटा आदिम सपना लुकेको छ । जसरी गङ्गाजल पवित्र छ उस्तै कविको नजरमा जिर्मा सुद्व र आदिम सत्य छ । साझा फूलबारीमा सबै फूलको सहअस्तित्व स्वीकार गर्नु पर्ने विषय लगायत समाजिक विधामान विविध विषय समेटेर लेखिएको कविता संग्रह जिर्माभित्र १०१ वटा कविताहरू छन् ।
