काभ्रे,
काभ्रे जिल्लाको पाँचखाल नगरपालिकामा असार ८ र ९ गते प्रथम पाँचखाल मेयर कप फुलकन्ट्याक्ट् एफकेओके कराते प्रतियोगीता – २०८० हुँने भएको छ । पाँचखाल नगरपालिकाको सहयोग तथा इन्टरनेशनल फेडेरल क्योकुशिन अर्गनाइजेसन अफ कराँते नेपालको आयोजनामा असार ८ र ९ गते पाँचखाल नगरपालिका स्थित फुटबल मैदानमा प्रतियोगीता हुँन लागेको हो । खेलाडीहरुलाई चलायमान बनाई नेपालको विभिन्न स्थानमा लुकेर रहेका प्रतिभावान युवा युवतीहरूलाई कलात्मक प्रतिस्पर्धा गराई अगाडि बडाउने उद्देश्य एवं पाँचखालमा क्योकुशिन कराते प्रतियोगिता मार्फत महिला हिंसाको अन्त्यका लागि अति आवस्यकता रहेको र यस्ता गेम हरु आगामी दिनमा पनि हुने नगरका प्रमुख महेश खरेलले बताउनुभयो ।
इन्टरनेशनल फेडेरल क्योकुशिन अर्गनाइजेसन अफ कराँते एफकक को स्थापना फ्रान्सका बरट्रयान्ड कम (ब्ल्याक बेल्ड ८ औं डान) ले गरेका हुन । हाल यो कराँते ६९ देशमा संचालित छन् । एफकेओके को हेडक्वाटरबाट नवराज सेढाई (ब्ल्याक बेल्ट चौथो डान) लाई नेपालका लागी ब्रान्च चिफ नियुक्ती गरिएको छ । हाल नेपालमा ११ जिल्लामा १६ जोडो संचालन रहेको र काभ्रे जिल्लामा एफकक नेपालको उप केन्द्रको रूपमा बिकास गर्न ब्रान्च चिफ नवराज सेढाई आफै लागिरहेका छन् । पाँचखाल ११ खरेलथोक र पाँचखाल १२ राँगाकाटे चौरमा उनले दैनिक प्रशिक्षण गराईरहेका बतायनुभयो । प्रशिक्षणमा सहयोगको लागि बाँसुदेव सेढाई र शम्भु शिवभक्ति ले समेत सहयोग गरेको उनले बतायनुभयो । उक्त प्रतियोगिता देशको विभिन्न जिल्लाबाट खेलाडी प्रशिक्षक तथा अफिसियलहरु सँगै स्थानीय स्तरका करिब १० हजार जनाले अवलोकन गर्ने अनुमान गरिएको छ ।
