रोशी सहकर्मी–बैशाख १०,
२०७७,काभ्रे/

आफ्नो निर्वाचन क्षेत्रका नागरिक स्वास्थ्य अवस्था बुझ्न बागमती प्रदेश सांसद लक्षमण लम्साल गाउँगाउँ नै पुगेका छन । कोरोना भाइरस नियन्त्रण र रोकथामका लागि सरकारले लकडाउन गरेपछिको अवस्था बुझ्न सांसद लम्साल आफ्नो निर्वाचन क्षेत्रमा पुगेका हुन ।

जिल्लाको भुम्लु गाउँपालिकाको १० वडा मध्ये ८ वडामा स्थलगत अवलोकन गरेका सांसद लम्सालले कोरोना भाइरस नियन्त्रणका लागि स्थानीय तहले गरिरहेका काम र स्वास्थ्य कर्मीको उत्साह उल्लेखनीय रहेको बताए । उनले आफ्नो क्षेत्रको नागरिकको स्वास्थ्य र सुरक्षाका लागि आफू सहयोग गर्न सधै तयार रहेको बताए ।

सांसद लम्सालको निर्वाचन क्षेत्रमा धुलिखेल नगरपालिकाको वडा नम्बर १ देखि ७ सम्म, पाँचखाल नगरपालिकाको १३ वटै वडा, भुम्लु गाउँपालिकाको १० वटै वडा र मण्डनदेउपुर नगरपालिकाको ७ देखि १२ नम्बर सम्मका वडा गरी जम्मा ३६ वटा वडा पर्छन् ।

Facebook Comments