काभ्रे,
रोशी गाउँपालिकाको तेह्रौ कार्यपालिका वैठक सम्पन्न भएको छ । आज गाउँपालिका अध्यक्ष दिनेश लामाको अध्यक्षतामा गाउँपालिकाको तेह्रौ कार्यपालिका वैठक सम्पन्न भएको हो । वैठक बाट आ.व. २०८०÷०८१ को नीति तथा कार्यक्रम आगामी असार १० गते गाउँ सभा मार्फत् प्रस्तुत हुँनु पूर्वको कार्यपालिका वैठकले विभिन्न महत्त्वपूर्ण निर्णयहरु भएका छन् । वेैठकले अघिल्लो वैठकहरुको समीक्षा गर्दै रोशी गाउँपालिकाको यातायात गुरु योजना, २०८० स्वीकृत गर्ने निर्णय गरेको छ । आगामी आ. व. २०८०÷०८१ का लागि रोशी गाउँपालिकाको स्रोतगत आय–व्ययको अनुमान, नीति तथा कार्यक्रम र वार्षिक बजेट तथा कार्यक्रम स्वीकृत गरि अनुमोदनको लागि गाउँ सभामा पेश गर्ने निर्णय गरिएका छन् ।
गाउँपालिकाबाट निर्माण गरिएका विनियोजन विधेयक, २०८० र आर्थिक विधेयक, २०८० अनुमोदनको लागि गाउँसभामा पेश गर्ने, आ. व. २०७९÷८० को वार्षिक प्रगति प्रतिवेदन स्वीकृत गरि गाउँसभामा पेश गर्ने, आ. व. २०८०÷०८१ देखि २०८२÷०८३मध्यमकालिन खर्च संरचना स्वीकृत तथा अनुमोदन गर्ने लगायतका महत्त्वपूर्ण निर्णयहरु गरिएको सुचना अधिकृत प्रकाश पौडेलले जानकारी दिनुभयो ।
