काभ्रे,
कक्षा १२ को वार्षिक परीक्षा आजदेखि सुरु भएको छ । परीक्षा बिहान ८ बजेदेखि सुरु भएको छ । परीक्षामा देशभरबाट ४ लाख ६७ हजार ३ सय ८९ विद्यार्थी सहभागी हुँदैछन् भने ५६ हजारभन्दा बढी विद्यार्थीले ग्रेड वृद्धि परीक्षा दिन लागेका छन् । उनीहरूले कम नम्बर आएको विषयको मात्र ग्रेड वृद्धि परीक्षा दिनेछन् ।
परीक्षाका लागि देशभर १ हजार ४ सय ५७ परीक्षा केन्द्र निर्धारण गरिएको छ । परीक्षामा अमर्यादित क्रियाकलाप गरेमा विद्यार्थीको सबै परीक्षा रद्द गर्ने र एक वर्षसम्म कुनै पनि परीक्षा दिन नपाइने गरी कानुनी व्यवस्था गरिएको राष्ट्रिय परीक्षा बोर्डले जनाएको छ ।
