काभ्रे,
काठमाडौँको दरबार हाइस्कूलमा ‘बुक फ्रि फ्राइडे’ कार्यक्रमअन्तर्गत ‘रोवोटिक्स कोडिङ’ कक्षा सुरु गरेको छ । काठमाडौं महानगरपालिकाले गत वैशाख १२ गतेदेखि सुरु गरेको ‘बुक फ्रि फ्राइडे’ कार्यक्रमअन्तर्गत कक्षा सञ्चालन गरिएको हो । महानगरको सहरी योजना आयोगका सहायक विज्ञ शैलेन्द्र झाका अनुसार, कोडिङ सिकाइअन्तर्गत कक्षा ३ देखि ६ सम्मका विद्यार्थीलाई ‘ब्लक’मा आधारित कोडिङ सिकाइएको छ । कक्षा ७ र ८ मा विद्यार्थीलाई ‘पाइथन प्रोग्रामिङ’ सिकाइएको छ ।
विद्यार्थीको उमेर समूह र सिक्नसक्ने क्षमताका आधारमा कार्यक्रम छनोट गरिएको हो । विद्यालयमा रोबोटिक्स, कृतिम बौद्धिकता (एआई)का कक्षाहरू पनि चलिरहेका छन् । महानगरपालिकाका १४ विद्यालयमा कोडिङ क्लब गठन भइसकेका छन् । उनीहरूका काम विश्वका १६० भन्दा धेरै देशमा क्लब सञ्जालमा जोडिन्छ । रोबोटिक्स, कृतिम बौद्धिकता (एआई) र कोडिङ कक्षाले विद्यार्थीमा समस्या समाधान गर्ने प्राविधिक क्षमता विकास हुने अपेक्षा गरीएको छ ।
