काभ्रे,
काभ्रेमा नेपाली कांग्रेसकोे ‘जनताको साथमा कांग्रेस’ अभियान आजबाट बनेपामा शुभारम्भ भएको छ । नेपाली कांग्रेस काभ्रे केन्दिय सदस्य रमा कोईरालाको प्रमुख आतिथ्यतामा आज बनेपा पार्टि भेन्युमा अभियान सुभारम्भ गरिएको हो । केन्दिय सदस्य रमा कोईरालाले आगामि निर्वाचनमा नेपाली कांग्रेसलाई जसरि भएपनि जिताउन पार्टिका सबै तहका कार्यकर्ताहरुलाई आग्रह गर्नुभएको छ । आजबाट सुरु भएको कांग्रेसकोे ‘जनताको साथमा कांग्रेस’ अभियान अन्तर्गत २१ गतेसम्ममा क्षेत्रदेखी प्रत्येक टोलसम्म सञ्चालन भएर २४ गते समापन हुने बताईएको छ ।
आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचन लक्षित प्रचारप्रसारका लागि कांग्रेसले आजबाट देशव्यापी रुपमा संगठन सुदृढीकरण र प्रचार प्रसार अभियान सञ्चालन गरेको हो । अभियानका लागि कांग्रेसले केन्द्रीय समितिबाट ७७ वटै जिल्लामा प्रतिनिधिहरू खटाएको छ । नेताहरू अभियानका गतिविधि गर्न जिल्ला–जिल्लामा पठाइसकेको छ ।
