काभ्रे,
चिसो सुरु हुँदा पनि डेङ्गी सङ्क्रमण कम हुन सकेको छैन । केही वर्षअघिसम्म तराईका जिल्लामा मात्र देखिने डेङ्गी सङ्क्रमण गत वर्षदेखि पहाड र हिमाली जिल्लामा पनि देखिन थालेको छ । सरकारले यो महिनाभरी नै डेङ्गीको सङ्क्रमण रहिरहने भन्दै लामखुट्टेको टोकाइबाट बच्न सुझाव दिँदै आएको छ । यो वर्ष अहिलेसम्म हुम्लाबाहेकका ७६ वटै जिल्लाका ४२ हजार ४ सय ११ जनामा पुष्टि भएको इपिडिमियोलोजी तथा रोग नियन्त्रण महाशाखाले जनाएको छ ।
महाशाखाको किटजन्य रोग नियन्त्रण शाखा प्रमुख डा. गोकर्ण दाहालका अनुसार यो वर्ष डेङ्गी सङ्क्रमणको कारण ३० जनाको मृत्यु भएको छ । यसपटक डेङ्गी सङक्रमण पहाडी र हिमाली जिल्लामा पनि देखिएको सरुवारोग विशेषज्ञ डा शेरबहादुरले जानकारी दिनुभयो ।
