काभ्रे,देबराज उप्रेती,
तेमाल गाउँपालिकामा निःशुल्क दन्त शिविर सम्पन्न भएको छ । गाउँपालिका अध्यक्ष चन्द्र बहादुर लामाको प्रमुख आतिथ्यतामा एकदिने निःशुल्क दन्त शिविर सम्पन्न भएको हो । तेमाल गाउँपालिका एवं बिन्धवासिनी बचत तथा ऋण सहकारी संस्थाको आयोजना तथा प्रिमियर डेन्टल भकुञ्डे शाखाको प्राबिधिक सहयोगमा पोखरीनारायण स्वास्थ्य चौकिमा आज निःशुल्क दन्त परीक्षण शिविर भएको हो । शिविरबाट गाउँपालिका भित्रका बिभिन्न वडाका १९५ जना नागरीकहरु लाभान्वित भएका छन् ।
शिबिरमा निःशुल्क दन्त स्वास्थ्य परीक्षण तथा परापर्श, निःशुल्क कृतिम दाँतको परामर्श, बच्चाको दाँत निकाल्ने, रक्तचाप परीक्षण गर्ने, निःशुल्क दाँत निकाल्ने तथा सफा गर्ने, निःशुल्क औषधी, ब्रश, पेस्ट विवरण एवं निःशुल्क बच्चाको दातमा Flouride लगाएर किरा नलाग्ने बनाईने कार्यहरु भएको छ । शिविर उद्घाटन समारोहलाई सम्बोधन गर्दे अध्यक्ष लामाले तेमालबासि जनताको स्वास्थ्यलाई गाउँपालिकाले पहिलो प्राथमिकतामा राखेको बताउनुभएको छ । उँहाले यसअघि पनि तेमालबासी जनताको स्वास्थ्यलाई मध्यनजर गर्दै गाउँपालिकाले विभिन्न प्रकारका शिविरहरु संचालन गरिसकेको बताउनुभयो ।
शिविर उद्घाटन समारोहमा उपाध्यक्ष दलमान थोकर, बिन्धवासिनी बचत तथा ऋण सहकारी संस्थाका प्रतिनिधिहरु, प्रमुख प्रशासकीय अधिकृत केदार प्रसाद ढकाल, स्वास्थ्य शाखा प्रमुख, शिक्षा शाखा प्रमुख भिम लामा तथा बिभिन्न वडाका वडा अध्यक्षहरुको उपस्थिथि रहेको थियो ।
