काभ्रे,
काभ्रे जिल्लाको तेमाल गाउँपालिका वडा नं. ६ ठुलो पर्सेलको वडा शिक्षा समिति संयोजकमा प्रेमबहादुर लामा चयन हुनुभएको छ । तेमाल गाउँ शिक्षा ऐन अनुसार वडा अध्यक्ष नै वडा शिक्षा समितिको संयोजक हुने व्यवस्था अनुरुप सयोजकमा प्रेमबहादुर लामा चयन हुनुभएको हो । वडाको शिक्षा क्षेत्रलाई गुणस्तरीय बनाउन शिक्षा समितिले महत्वपूर्ण भूमिका खेल्ने वडा अध्यक्ष लामाले विश्वास ब्यक्त गर्नुभएको छ । भौतिक पूर्वाधारका हिसाबले त्यति समस्या नभएकोले अब सिंगो वडा शिक्षा समिति गुणस्तरी शिक्षामा लाग्न सबैमा अनुरोध गर्नुभयो ।
त्यसैगरि समितिको सदस्यहरुमा वडा सदस्य सूर्यमान तामाङ, सतर सिं तामाङ (बिद्यालय बि.ब्य.स. अध्यक्षबाट), टंकमान तामाङ (बिद्यालय प्र.अ.बाट), मिना बि.क. (दलित महिला), मीन बहादुर नेपाली (दलित), प्रेमबहादुर तामाङ (शिक्षाप्रेमी र समाजसेवी), पासाङ लामा (पदेन नेपाल शिक्षक महासंघ वडा समिति अध्यक्ष) र नरेन्द्र देबकोटा सदस्य सचिव रहेका छन् ।
