काभ्रे,
नमोबुद्ध नगरपालिका वडा नं ६ स्थित भगवती प्राथमिक विद्यालयका विद्यार्थीलाई शैक्षिक सामाग्री तथा न्यानो कपडा वितरण गरीएको छ । आज एक कार्यक्रमका बिच लायन्स क्लब अफ काठमाडौ प्रभु आर. टि. ले विद्यार्थीलाई शैक्षिक सामाग्री र न्यानो कपडा वितरण गरेको हो । क्लवले विद्यालयका शैक्षिक एवं प्रशासनिक गतिविधिमा सहयोग पुगोस् भनेर १ थान प्रिन्टर समेत सहयोग गरेको छ । कार्यक्रममा नगर प्रमुख कुनसाङ लामाले सामुदायिक विद्यालयको गुणस्तर सुधार गर्न शिक्षक, अभिभावक लगायत सबै सरोकारवालाको उत्तिकै भुमिका हुने बताउनुभयो । त्यसैगरी सामुदायिक विद्यालय सहयोग कार्यक्रम २०२४ अन्तर्गत सो विद्यालयलाई सहयोग गरिएको क्लवका अध्यक्ष सन्जय लामाले बताउनुभयो ।
नमोबुद्ध नगर प्रमुख कुनसाङ लामा, नमोबुद्ध वडा नम्बर ६ का अध्यक्ष टीकाबहादुर केसि, चार्टर प्रेसिडेन्ट जस्मिन श्रेष्ठ लगायत क्लवका पदाधिकारीहरुले ती सामाग्री बालबालिकालाई हस्तान्तरण गरेका थिए ।
