दुई दिनको अवधिमा देसका बिभिन्न स्थानमा सवारी दुर्घटना हुँदा १९ जनाको मृत्यु

काभ्रे,

हिजो र आज गरी देसका बिभिन्न स्थानमा सवारी दुर्घटना हुँदा १९ जनाको मृत्यु भएको छ । आज काठमाडौँको चन्द्रागिरी नगरपालिका–४ सेतो पहरामा कार दुर्घटना हुँदा पाँच जनाको मृत्यु भएको छ । महानगरीय प्रहरी वृत्त थानकोटाकाअनुसार चार जनाको घटनास्थलमा र एक जनाको उपचारको क्रममा मृत्यु भएको हो । काठमाडौंबाट चित्लाङका लागि छुटेकोे कार आज दिउँसो दुर्घटना भएको हो । त्यसैगरी, बागलुङको ढोरपाटन नगरपालिकामा जिप दुर्घटनामा पर्दा २ जनाको घटनास्थलमै मृत्यु भएको छ । आज बुर्तिबाङ बजारदेखि ढोरपाटन जाँदै गरेकोे जिप बिहान करिब ११ बजेको समयमा ढोरपाटन ५ प्याङखोला नजिकै बतासे डाँडामा दुर्घटनामा २ जनाको मृत्यु भएको हो ।
त्यसैगरी, दाङको भालुबाङमा भएको बस दुर्घटनामा १२ जनाको मृत्यु भएको छ । दाङ देउखुरीको राप्ती गाउँपालिका–१ भालुबाङस्थित राप्ती नदीको पुलबाट बस खस्दा १२ जनाको मृत्यु भएको हो । दुर्घटनामा परि ९ जनाको घटनास्थलमै र तीन जनाको अस्पतालमा पुगेपछि चिकित्सकले मृत घोषणा गरेका थिए ।