काभ्रे,
गत आर्थिक वर्षमा नेपालबाट कामको खोजीमा विदेश जानेको सङ्ख्या अहिलेसम्म कै उच्च देखिएको छ । वैदेशिक रोजगार विभागकाअनुसार गत साउन १ गतेदेखि असारमसान्तसम्म नेपालबाट ७ लाख ७१ हजार ३२७ जना नेपाली श्रम स्वीकृति लिएर विदेश गएका हुन् । यो सङ्ख्या अहिलेसम्मकै धेरै रहेको विभागले जनाएको छ । आर्थिक वर्ष २०७१÷७२ मा श्रमिक नयाँ श्रम स्वीकृति र पुरानाको नवीकरण गरी जम्मा ६ लाख ९३ हजार ३२ जना वैदेशिक रोजगारीका लागि विदेशिएकोमा यो वर्ष ७ लाख ७१ हजार ३२७ जना रोजगारीका लागि विदेश गएको वैदेशिक रोजगार विभागका प्रवक्ता गुरुदत्त सुवेदीले बताउनुभयो ।
विभागका अनुसार यो तथ्याङकमा भिजिट भिसामा गएर दुबईमा श्रम भिसा लिने, भारतको बाटो भएर श्रम स्वीकृति नलिई युरोपेली देशहरूमा जाने तथा मौसमी कामदारको रूपमा भारत, कोरिया र बेलायतलगायत देशमा जानेहरूको सङ्ख्या जोडिएको छैन ।
