काभ्रे,
नेकपा (माओवादी केन्द्र) खानिखोला गाउँपालिका कमिटीले आफ्नो वार्षिक उत्सव मनाइएको छ । हिजो आइतबार कमिटीले दोस्रो ऐतिहासिक सम्मेलन भएको १ बर्षको अवधि उपलब्धिमूलकसँगै सफलतापूर्वक बितेको निष्कर्ष सहित उत्सव मनाइएको हो । माओवादी केन्द्र बागमती प्रदेशका सचीव इन्द्रबहादुर थिङ (छिन्ताङ)ले एक बर्षको बिचमा खानीखोला माओवादीले गरेको कामको प्रसंसा गर्दै तीनै तहको निर्वाचन एकै पटक गर्ने गरि सबैतिरबाट आवाज उठ्नु पर्ने बताउनुभयो । उँहाले भन्नुभयोे, ’पुर्ण समानुपातिक प्रणालीबाट स्थानीय तह, प्रदेश सभा र प्रतिनिधिसभाको चुनाव एकैपटक हुनुपर्छ । यसले राज्यको आर्थिक भारलाई समेत कम गर्छ ।’ नेता थिङले नयाँ सरकार गठनको लागि शीर्ष नेताहरूबिच छलफल भइरहेको भन्दै एमाले प्रतिपक्षी भए भने ५ बर्ष भ्रमको झ्याली पिट्दै हिड्ने बताउदै ती भ्रमबाट जनता भ्रमित हुनबाट जोगाउन सजक र तयार हुनु पर्ने धारणा ब्यक्त गर्नुभयो ।
माओवादी केन्द्र काभ्रेका संयोजक भोला आर्यालले खानीखोला कमिटीले अपेक्षा गरेभन्दा धेरै काम गरेको भन्दै खुशी व्यक्त गर्दै धन्यवाद समेत दिनुभएको छ । माओवादी केन्द्र खानीखोलाका अध्यक्ष अविरल जिम्बाले स्थानीय तह र संघ÷प्रदेशको निर्वाचनमा खानीखोला कमिटीले पार्टीले दिएको जिम्मेवारी तथा खेल्नु पर्ने भुमिका सफलतापुर्वक निर्वाह गरेको बताउनुभयो ।
उँहाले माओवादी आन्दोलनको जगमा देशमा व्यवस्था बदलेको दाबी गर्दै अब जनताको अवस्था बदल्ने काम पनि माओवादीले नेपाली जनताको ब्यबस्था बदलेको दिन माओवादीले नै गर्ने पनि बताउनुभयो । अध्यक्ष जिम्बाले भन्नुभयोे, ’जनताको अवस्था फेरिदाको दिन मात्र फेरि माओवादीले जितेको अनुभुति गर्नेछ ।’
त्यस्तै सचीव राजन अधिकारीले देशको विकास र समृद्धिसँगै लोकतान्त्रिक गणतन्त्र र संविधान रक्षाको लागि सधै अग्रगामी पक्षधरसँग मिलेर अघि बढ्ने बताउनुभएको छ । उँहाले भन्नुभयोे, ’खानिखोला माओवादीले वडा, पालिका, प्रदेश र संघमा आफ्नो दलका उम्मेदवारहरु जितेकोमा घमण्डको कमाई अलिकती पनि गरेको छैन आगामी दिनमा पनि गर्दैन ।’ कमिटीले खानीखोला माओवादीलाई माया र सद्भाव प्रदान गर्नुहुने खानिखोलाको जनसमुदाय, पार्टीको सम्पूर्ण सहकर्मीहरु, शिक्षक बुद्धिजीवी, यूवा, विद्यार्थी ,सन्चारकर्मी, स्वास्थ्यकर्मी, प्रहरी प्रशासन लगायत सबैमा आभार प्रकट गरेको छ । समृद्धि र विकास साझा भएकोले सबै पार्टी तथा पक्षसँग सदा सहकार्यको ढोका खुल्ला रहेको माओवादी केन्द्र खानीखोलाले जनाइएको छ ।
