काभ्रे,
नयाँ प्रधानमन्त्री बन्नेमा प्रधानमन्त्री तथा कांग्रेस सभापति शेरबहादुर देउवा ढुक्क देखिनुभएको छ । माओवादी केन्द्र, नेकपा एकीकृत समाजवादी, लोकतान्त्रिक समाजवादी पार्टी, जनमत पार्टी, नागरिक उन्मुक्ति पार्टी लगायतको समर्थनमा कांग्रेस सभापति देउवा छैटौँपटक प्रधानमन्त्री बन्नेमा ढुक्क देखिनुभएको हो । तर कांग्रेसभित्रै पुस्तान्तरण गर्नुपर्ने भन्दै महामन्त्री गगन थापा पनि प्रधानमन्त्री बन्ने धारणा ब्यक्त गर्दै आउनुभएको छ ।
देउवा नै नयाँ प्रधानमन्त्री बन्ने निश्चित जस्तै भएपछि बालुवाटारमा नयाँ कांग्रेस सांसदको लाइन लागिरहेको उच्च स्रोतले जनाएको छ। कतिपयले मन्त्री माग्नका लागि र कतिपय प्रधानमन्त्रीमा देउवालाई समर्थन गर्नका लागि पनि बालुवाटार धाइरहेका छन्।
