काभ्रे,
मेथिनकोट प्रादेशिक अस्पतालले सामाजिक परिक्षण कार्यक्रम सम्पन्न गरेको छ । आज एक कार्यक्रमको आयोजना गरि सामाजिक परिक्षण कार्यक्रम गरेको हो । कार्यक्रमका प्रमुख अतिथि एबम नमोबुद्ध नगरपालिकाका नगर प्रमुख कुन्साङ लामाले जिवनको सबभन्दा महत्त्वपूर्ण पाटो स्वास्थ्य भएकोले यसलाइ कसैले पनि ख्याल ख्याल सोच्न नहुने धारणा राखेका थिए । साथै उनले मेथिनकोट अस्पतालको सेवालाइ अझ सेवाग्राहीमुखी बनाउने पनि बताएका छन् ।
कार्यक्रममा बोल्दै अस्पतालका मेडिकल सुपरिटेन्डेन्ट एबम स्वास्थ्य कार्यालय काभ्रेका प्रमुख डा. पुरुषोत्तम शेढाइले हाल मेथिनकोट अस्पतालमा ३३ बेड संचालनमा आएको र आबश्यक परेमा ५० बेड सम्म पनि संचालन गर्न सकिने बताएका छन् । उनले अस्पतालमा हाल ६३ जना जनशक्ति रहेको तर जनशक्तिहरु आउने र जने क्रम धेरै बढेकोले व्यवस्थापनमा असजिलो भएको बताए । उनले हाल मेथिनकोट अस्पतालमा ३ बेडबाट इमर्जेन्सी सेवा दिइरहेका र आगामी दिनमा ५ बेडको बनाउने तयारी रहेको पनि बताएका छन् । उनले ५ बेडको मृगौला रोगको डाएलोसिस गर्ने कक्ष पनि तयारी अबस्थामा रहेको बताए ।
कार्यक्रममा उपस्थित सेवा ग्राहीहरुले अस्पतालबाट प्रदान हुने सेवाको बिषयमा प्रश्न उठाएका थिए । सेवा ग्राही होम प्रसाद खनालले आफुलाइ टि. बि. भएको रहेछ तर अस्पतालले जाँच गर्दा छैन भनेको र भक्तपुर अस्पतालमा गै जचाँउदा आफुलाइ टि. बि. पुष्टि भएको भन्दै अस्पतालले प्रदान गर्ने सेवामा त्यति विश्वसनीय नभएको भन्दै दुखेसो पोखेका थिए । त्यसै गरि सेवाग्राही टीका प्रसाद खनालले पनि अस्पताल आउँदा सिटामोल , सुगर ,प्रेसर ग्यस्टिकको औषधि नपाएर निजि मेडिकलमा गएर किन्नु पर्ने बाध्यता रहेको बताएका छन् । कार्यक्रममा सामाजिक परिक्षक प्रकाश अधिकारीले खुल्ला अन्तर्क्रीया गर्नु भएको थियो । कार्यक्रममा मेथिन्कोट अस्पतालमा कार्यरत डाक्टरहरुले अस्पतालबाट प्रवाह हुने सेवा सुबिधाहरुको बिषयमा बोलेका थिए । कार्यक्रममा नमोबुद्ध नगरपालिकाको वडा न ३,४,७ लगाएतका सेवाग्राहीको उपस्थित रहेको थियो ।
