काभ्रे,
काभ्रे जिल्लाको रोशी गाउँपालिका ९ मा रहेको मंगल जनविजय माध्यामिक विद्यालय र मण्डनदेउपुर नगरपालिका वडा नम्बर ४ चैनपुरमा रहेको महाकाल माध्यामिक विद्यालय उत्कृष्ट विद्यालयमा छनौट भएका छन् । प्रतिनिधिसभाको प्रत्येक निर्वाचन क्षेत्रबाट विद्यालय पर्ने गरी १६५ शैक्षिक गुणस्तर परीक्षण केन्द्रबाट भएको कार्यसम्पादन परीक्षणबाट भएको मूल्यांनबाट उच्चतम अंक प्राप्त गरे पछि उत्कृष्टमा छनोट भएको हो ।
उत्कृष्टमा छनोट भएपछि यी दुई सामुदायिक विद्यालयले ५ लाख रुपैयाँ प्रोत्साह अनुदान रकम समेत पाउने भएका छन् । शिक्षा तथा मानव स्रोत विकास केन्द्रले व्यवस्थापकीय र शैक्षिक सुधारमा उत्कृष्ट काम गरेको मुल्यांकन रहेको छ । केन्द्रले प्रोत्साहन अनुदान पाउने विद्यालयको सूची सार्वजनिक गरेको थियो । केन्द्रले चालु आर्थिक वर्ष २०७९–८० को वार्षिक स्वीकृत कार्यक्रम अनुसार ‘व्यवस्थापकीय तथा शैक्षिक सुधारमा उत्कृष्ट कार्य गरेका विद्यालयलाई नतिजामा आधारित प्रोत्साहन अनुदान’का लागि आवश्यक बजेट वित्तीय हस्तान्तरण गरिसकेको जनाएको छ ।
