जिल्लाको रोशी गाउँपालिका वडा नम्बर ५ डुम्बलका कामी सिं लामा र उहाँका श्रीमती माया लामालाई कुटपिट गरी चोरी गर्ने दुई जनालाई स्थानीयले नियन्त्रणमा लिएका छन् । हिजो राति साढे ११ बजेतिर कामी सिंको घरको खुल्ला झ्यालबाट तीन जना छिरेर श्रीमान, श्रीमतीलाई रडले हानेका थिए । कामी सिंलाई रड र घरेलु हतियारले आक्रमण गरेको र श्रीमतीको मुखमा खादा बानी सुन तथा नगद लुटेर भाग्नेलाई स्थानीयले पक्राउ गरी प्रहरीको जिम्मा लगाएका हुन् । स्थानीयले रोशी गाउँ पालिका वडा ६ नवल घर भएका बुद्ध घिसिङ र रोशी गाउँपालिका वडा नम्बर ८ खार्पाचोक घर बताउने ब्यक्तिलाई पक्राउ गरेर प्रहरी चौकी कटुञ्जेको जिम्मा लगाएका हुन् । चोरी गरेर मोटर साइकल र स्कुटर समेत माग्न लागेकालाई गाउँलेले घेराहालेर समातेका थिए । अहिले घाइतेहरुको धुलिखेल अस्पतालमा उपचार भईरहेको छ । उपचारको लागि गाउँपालिकाले सक्दो सहयोग गर्ने गाउँपालिकाका अध्यक्ष दिनेस लामाले प्रतिबद्धता गर्नु भएको छ ।
