रेडियो रोशी ÷काभ्रे,
जिल्लाको रोशी गाउँपालिकाका अध्यक्ष दिनेश लामाले रोशीका स्थानीयहरूमा सर्तक रहन अनुरोध गर्नुभएको छ । केही दिनदेखि परेको अविरल बर्षाका कारण विपदको घटना घट्न सक्ने भन्दै सर्तक रहन पालिका अध्यक्ष लामाले अनुरोध गर्नुभएको हो ।
आज (विहिबार) गाउँपालिका अध्यक्ष लामाले आफ्नो सामाजिक सञ्जाल मार्फत अनुरोध गर्नुभएको हो । फेसबुक पोष्टमा उँहाले– ‘आदरणीय रोशी बासी आमाबुबा, दाजुभाइ तथा दिदिबहिनीहरु,केही दिनदेखि पानी निरन्तर परीरहेकोले आफ्नो गाउँबस्तीमा हुनसक्ने सम्भावित बिपदजन्य घटनाप्रति सचेत रहनुहोला । केहि त्यस्ता घटना घटेमा सर्बप्रथम आफ्नो वडाका जनप्रतिनिधिलाई खबर गर्नुहोला । साथै निम्न नम्बरमा सम्पर्क गर्नुहोला’ भन्नुभएको छ ।
विपद बाजा बजाएर आउँदैन भने जस्तै यदी घटीहालेमा निम्न सम्पर्क नम्बरमा सम्पर्क गर्न लामाले अनुरोध गर्नुभएको छ । पालिका अध्यक्ष ९८५११५७९८२, उपाध्यक्ष ९८५१२३८८२७, प्रमुख प्रशासकीय अधिकृत ९८५११२५८४५ र इप्रका मङगलटार ९८५१२८१६२१ मा सम्पर्क गर्नका लागि लामाले अनुरोध गर्नुभएको छ ।
