काभ्रे,
नेपाली कांग्रेस काभ्रे जिल्ला सभापति एवं प्रतिनिधि सभा निर्वाचन क्षेत्र नम्बर १ अन्तर्गत प्रदेश सभा २ का सांसद तीर्थ लामाले धुलिखेल नगरपालिका वडा नम्बर ८ को सडकको अवलोकन गर्नुभएको छ । सांसद लामाले अरनिको राजमार्ग देखि रबि दोभान सडकको स्थलगत अवलोकन गर्नुभएको हो । सडकको अवलोकन गर्दे सांसद लामाले सडकलाई पूर्णता दिन आवश्यक बजेटको ब्यवस्थापन गर्ने प्रतिबद्धता ब्यक्त गर्नुभएको छ ।
प्रदेश सांसद चन्द्र लामाको पहलमा उक्त सडकमा ५० लाख रुपैयाँ बजेट विनियोजन गरिएको थियो । सडक निर्माण कागि स्थानीयले पनि ठूलो मात्रामा श्रमदान गरिरहेका छन् । सडकमा अहिले पक्की ड्रेन निर्माण भैरहेको छ । अनुगमनका लागि सांसद लामा, उपप्रमुख निराजन जंगम, वडा अध्यक्ष बिनोद गौतम तथा उपभोक्ता समितिका पदाधिकारी पुग्नुभएको थियो ।
