काभ्रे,
२१० औँ भानु जयन्तीको अवसरमा श्री नव प्रतिभा अङ्ग्रेजी मा. वि मा विद्यालयस्तरीय कविता लेखन तथा वाचन कार्यक्रम सम्पन्न भएको छ । “अग्रजलाई सम्मान र अनुजलाई प्रोत्साहन” भन्ने मूल उद्धेश्यकासाथ नमोबुद्ध नगरपालिका वडा नं ७ भकुण्डेबेँमा अवस्थित श्री नव प्रतिभा अङ्ग्रेजी माध्यमिक विद्यालयमा रहेको प्रतिभापूर्ण बालक्लबले विद्यालयस्तरीय कविता लेखन तथा वाचन कार्यक्रम सम्पन्न गरेको हो ।
जुनकिरी साहित्य अभियानका सचिव रबिन बिष्ट स्नेही र जनक मा.वि का शिक्षक लवराज चिमौरिया निर्णायक रहनुभएको यस प्रतियोगितामा जनक मा.वि मा अध्ययनरत छात्रा निशा बि.क प्रथम, श्री नव प्रतिभाकी छात्रा सरिना अधिकारी द्धितीय र जनक मा.वि का छात्र कपिल सत्याल , नव प्रतिभाकी छात्रा वर्षा तिमल्सिना तृतीय भएका छन । त्यसैगरी नव प्रतिभाकै छात्रा अनिशा ओझाले सान्त्वना स्थान हाँसिल गर्न सफल हुनुभएको छ । विजयी प्रतियोगीहरुलाई श्री नव प्रतिभा अङ्ग्रेजी माध्यमिक विद्यालयकी प्रवन्ध निर्देशक तथा श्री प्रतिभापूर्ण बालक्लबकी संरक्षक रीता सिग्देलले प्रमाणपत्र र मेडल प्रदान गर्नुभएको कुरा श्री प्रतिभापूर्ण बालक्लबको शिक्षक प्रतिनिधि विवेक कुमार तामाङले जानकारी दिनुभयो । उक्त कार्यक्रम श्री प्रतिभापूर्ण बालक्लबको कोषाध्यक्ष रुपक श्रेष्ठको सभापतित्वमा सम्पन्न भएको थियो ।
