काभ्रे,
रोशी गाउँपालिकाको आयोजना तथा सिंगापुर रेडक्रस र प्रारम्भ नेपालको प्राविधिक सहयोगमा मंगलटारमा हिजो २८ गते १३५ जना र आज २९ गते ३७३ जना गरी जम्मा ५०८ जनानागरिक प्रत्यक्ष लाभान्वित भएका छन् । रोशी ९ मंगलटार, स्वास्थ्य कार्यालयमा भएको उक्त शिविरमा कार्डियो सम्बन्धि ५१ जना, चेकअप ८३ जना, सर्जरी ५ जना, इको ६ जना, अर्थो सम्बन्धि १९४ जना, अकुपन्चर सम्बन्धि ११५ जना नागरिकहरुले चेकजाँच गरी सेवा प्राप्त गरेको मंगलटार स्वास्थ्य चौकीका ईन्चार्ज निशा बरालले जानकारी दिनुभयो । शिविरमा विशेषज्ञ चिकित्सकहरुद्धारा प्रसुति तथा स्त्रीरोग, मुटुरोग, जनरल फिजिसियन, अंकुपन्चर, हाडजोर्नी, प्लाष्टिक सर्जरी र मनोपरामर्श लगायतका निःशुल्क स्वास्थ्य सेवा प्रदान गरिएको छ ।
हिजो शिविर उद्घाटन कार्यक्रममा रोशी गाउँपालिका अध्यक्ष दिनेश लामा, उपाध्यक्ष मिमबहादुर वाईवा, प्रमुख प्रशासकिय अधिकृत रामबहादुर तामाङ, पत्रकार महासंघ काभ्रेका अध्यक्ष बद्रीराज तिमल्सिना, बरिष्ठ पत्रकार ईश्वरी ओझा, सिंगापुर रेडक्रस नेपालको प्रतिनिधि एवं प्रारम्भ नेपालका अध्यक्ष कल्पना क्षेत्री, जिल्ला स्वास्थ्य प्रमुख डा. पुरुषोत्तम सेडाई, रोशी वडा नं. ७ का वडा अध्यक्ष अशोक गौतम तथा सिंगापुर रेडक्रसको वरिष्ठ चिकित्सकहरुको उपस्थिति रहेको ईन्चार्ज निशा बरालले जानकारी दिनुभयो ।
