काभ्रे,
रोशी गाउँपालिका ९ पानान्चेमा आज कर्म दावा सोक्सिङ भवन उद्घाटन गरिएको छ । धर्म गुरु डा. टासी छिरिङ लामा, संविधान सभा सदस्यतिर्थ लामा, रोशी गाउँपालिकाको अध्यक्ष दिनेश लामा, उपाध्यक्ष मिमबहादुर लामा र शान्ति जन आदर्श सेवा केन्द्रका अध्यक्ष शंखबुद्ध लामाद्धारा संयुक्त रुपमा भवन उद्घाटन कार्य सम्पन्न भएको हो । रोशी गाउँपालिकाद्धारा रु ५ लाख, रोशी ९ वडा कार्यालयबाट रु. ५ लाख र शान्ति जन आदर्श सेवा केन्द्रबाट रु १० लाखको सहयोगमा भवन निर्माण कार्य सम्पन्न भएको समाजसेवी तथा निवर्तमान वडा सदस्य मेघ लामाले जानकारी दिनुभयो ।
कार्यक्रमको अवसरमा धर्म गरु डा. टासी छिरिङ लामाले रोशी क्षेत्रमा रहेका नेतागण, समाजसेवी, जनप्रतिनिधि, आम रोशीवासी तथा सम्पुर्ण मानव समुदायमा बुद्ध धर्मको शिक्षा, उपदेश तथा ज्ञान ग्रहण गरी जीवनमा लागू गर्न अनुरोध गर्दै आर्शिवाद व्यक्तगर्नुभयो ।
संविधान सभा सदस्यतिर्थ लामाले धर्म, संस्कार संस्कृतिले भरिपूर्ण हाम्रो समाजमा हाम्रा आस्थाका केन्द्रलाई पूर्णता प्रदान गर्न र गुम्बाको विकास र आवश्यक पूर्वाधार विकास गर्न आगामी दिनमा आफूले सक्ने सहयोग गर्ने प्रतिबद्धता व्यक्त गर्नुभयो ।
समाजसेवी तथा शान्ति जन आदर्श सेवा केन्द्रका अध्यक्षशंख बुद्ध लामाले यदि हामी मानवजातीले बुद्धको उपदेश र पञ्चशिलको पालनागर्न सकेमा सबै कारागार बन्दहुने र अपराध, हत्या हिंसा जस्ता कृयाकलापको अन्त्य हुने धारणा ब्यक्तगर्नुभयो ।
त्यसैगरी रोशी गाउँपालिका अध्यक्ष दिनेश लामाले रोशीको बाटो स्तरोन्नती गुम्बा र आसपासका क्षेत्रमा आवश्यक पूर्वाधार विकास तथा विपद् व्यवस्थापनको निम्ति आगामिदिनमा सहयोग गर्ने प्रतिबद्धता व्यक्तगर्नुभयो ।
उपाध्यक्ष मिमबहादुर वाईवाले रोशीको धर्म, संस्कृति, संस्कार, सामाजिक विकास तथा पूर्वाधार विकासको निम्ति रोशी गाउँपालिकाले मनन् गरिएको चुनावको बेलामा गरिएको प्रतिवद्धता क्रमैसँग पूरा गर्ने धारणा व्यक्तगर्नुभयो । कार्यक्रमको सभाअध्यक्ष पेमा दोर्जे लामाले उपस्थित महानुभाव, स्थानीयवासी तथा बौद्ध धर्म प्रेमी सबैमा धन्यवाद व्यक्त गर्दै कार्यक्रमको समापन गर्नुभयो ।
