काभ्रे,
बाग्मती प्रदेशका खानेपानी, उर्जा तथा सिचाइमन्त्री तिर्थ बहादुर लामाले मानिसमा आत्मबल र व्यक्तित्व बिकास गर्न शिक्षा अपरिहार्य रहेको बताउनुभएको छ । बेलर इन्टरनेशनल एकेडेमीले कक्षा ११ का नवआगन्तुक विद्यार्थीलाई स्वागत र कक्षा १२ का विद्यार्थीलाई बिदाई गर्न आयोजना गरेको कायर्यक्रममा मन्त्री लामाले आत्मबल र व्यक्तित्व बिकास गर्न शिक्षा अपरिहाय रहेको बताउनुहुँदै जस्तोसुकै दुख झेलेर भएपनी शिक्षा आर्जन गर्न सबैमा अनुरोध गर्नुभएको छ । शिक्षा आर्जनको लागि आफुले धेरै नै दुख गरेको भन्दै मन्त्री लामाले एसएलसि पास गर्दाको अनुभव सुनाउनुभएको छ । ‘२०४९ सालमा मेरो वडाबाट एसएलसि पास गर्ने म एक जना मात्र हो, मेरो घरबाट स्कुल पुग्न ३ घन्टा लाथ्यो, धेरै दुख गरेर अध्ययन गरेको हो,’ मन्त्री लामाले भन्नुभयो ।
यहि असोज २४ देखि २६ गते सम्म औपचारिक कार्यक्रम आयोजना गरेर एकसाथ स्वागत र बिदाइ गरेको थियो । विद्यालयमा यो बर्ष बिज्ञान र व्यवस्थापन संकायमा कक्षा ११ मा ६ सय २८ विद्यार्थी भर्ना भएर अध्ययनरत छन् । यो बर्ष बिज्ञान संकायतर्फ १ सय २ र व्यवस्थापन संकाय तर्फ २ सय ७६ विद्यार्थी कक्षा १२ उत्तीर्ण भएका थिए । ४ सय ४५ जना कक्षा १२ मा अध्यनरत छन् । कार्यक्रममा कक्षा १२ मा जिल्लामा नै उत्कृष्ट सिजिपिए ल्याउने बेलर इन्टरनेशनल एकेडेमीका छात्रा बिभिषा न्यौपानेलाई सम्मान गरिएको थियो ।
कार्यक्रममा जिल्ला समन्वय समिती काभ्रेका उपप्रमुख रिमबहादुर तामाङ, बनेपा नगरपालिका वडा नम्बर ७ का अध्यक्ष हिटलर शाक्य, नेपाल पत्रकार महासंघ काभ्रेका पुर्व अध्यक्ष इश्वरी ओझा, समाजसेवि जगन्नाथ गिरि, प्रिन्सिपल इन्दु थापालगायत बेलर एकेडेमीले शिक्षा क्षेत्रमा पुर्याएको योगदानको चर्चा गरेका छन् ।
