रोशी सहकर्मी–असार २९,
२०७७,धुलिखेल/

काठमाडौ विश्वविद्यालय सभाको ८७ औ बैठक सम्पन्न भएको छ । आइतबार सम्पन्न उक्त बैठकले आर्थिक वर्ष २०७७/२०७८ का लागि तीन अर्ब ७० करोडको अनुमानित आय–व्यय बजेट पारित गरेको छ । शिक्षा, विज्ञान तथा प्रविधिमन्त्री एवं सहकुलपति गिरिराजमणि पोखरेलको अध्यक्षतामा बैठक सम्पन्न भएको थियो ।

स्वास्थ्य विज्ञान कार्यक्रम र अस्पताल सेवाको दुई अर्ब २१ करोड र केन्द्रीय कार्यालय र ६ वटा स्कुलको एक अर्ब ४९ करोड रुपियाँ रहेको छ ।
बैठकले आर्थिक वर्ष २०७५/२०७६ को बार्षिक लेखापरीक्षण प्रतिवेदन पारित गरेको छ । २०७६/२०७७ को बार्षिक कार्यक्रम तथा अनुमानित आय ब्यय बजेट कोभिड १९ का कारण पुरा हुन नसकेकाले पुनरावलोकन गर्ने निर्णय गरेको छ ।
बैठकले विश्वविद्यालय सभामा रिक्त रहेका १० सदस्यहरुको हकमा प्रस्ताव गरिएका नामावलीहरुमा महिला पर्ने गरी पुनरावलोकन गरी ७ दिन भित्र कार्यकारी परिषद्मा पेश गर्न निर्देशन दिएको छ ।

Facebook Comments Box