काभ्रे,
कोशी प्रदेशमा आज मुख्यमन्त्री नियुक्त गर्ने तयारी भएको छ । मुख्यमन्त्रीका लागि दुईजनाले दाबी पेस गरेका कारण कानुन तथा संविधानविद्सँग छलफल गरेर नियुक्त गरिने प्रदेश प्रमुखको कार्यालयले जनाएको छ । प्रदेश प्रमुखको कार्यालयका प्रवक्ता नरेन्द्र श्रेष्ठका अनुसार आज ५ बजेसम्मको समय रहेकाले निर्धारित समय सकिएपछि मुख्य मन्त्री नियुक्त गर्ने तयारी भएको छ । कोशी प्रदेशको मुख्यमन्त्रीमा नेपाली काँग्रेसका सांसद केदार कार्की र माओवादी केन्द्रका सांसद इन्द्र आङ्बोले दाबी पेश गर्नुभएको छ ।
आङ्बोले आफूलाई काँग्रेस माओवादी केन्द्र, एकीकृत समाजवादी, जसपालगायत दलको समर्थन रहेको दबी गर्दै अब प्रदेश प्रमुखले आवश्यक निर्णय गर्ने बताउनुभयो । काँग्रेस सांसद कार्कीले भने आङ्बोले काँग्रेसका सांसदको हस्ताक्षर दुरुपयोग गरेको आरोप लगाउनुभएको छ ।
