काभ्रे,
विश्व वातावरण दिवसको अवसरमा नमोबुद्ध नगरका जनप्रतिनिधी, कर्मचारी र बिद्यार्थिहरुले भकुण्डेबजार सरसफाई गरेका छन् । नमोबुद्ध नगरपालिकाको आयोजना, जनक मावि र सब डिभिजन बन कार्यालय नमोबुद्धको सहयोगमा भकुण्डेवेशी चोकदेखि नौबिसे बजार सम्मको ‘सन्देश दिने हिसाव’ ले फाहोर संकलन गरीएको हो ।
बढ्दो फोहोरमैला, वायु प्रदुषण र वातावरणमा परेको असरबारे लेखिएका प्लेकार्डसहित सहभागी जनप्रतिनिधी ,बिभिन्न बिद्यालयका बिद्यार्थिहरु एवम् विभिन्न सामाजिक संघसंस्थाका प्रतिनिधीहरु ले बजार परिक्रममा परेका थिए । जनक माध्यमिक विद्यालयमा अध्ययनरत विद्यार्थीले सचेतनामूलक सडक नाटकका साथै नृत्य प्रस्तुत गरेका थिए ।
सरसफाईपछि कार्यक्रममा बोल्दै नगर प्रमुख कुनसाङ लामाले वी.पी राजमार्गको भाग समेत पर्ने भकुण्डेवेशी बजार सफा राख्ने नगरपालिकाको अभियानमा साथ दिन सबैमा अनुरोध गर्नुभयो ।
प्रमुख प्रशासकीय अधिकृत शेषकान्त पौडेलले दिवसको अवसर पारेर आयोजित सरसफाई निरन्तरता हुने प्रतिवद्धता जनाउनुभएको छ । त्यसैगरी नगरका वातावरण अधिकृत सन्तोष काफ्लेले विगतका बर्षभन्दा फरक तरिकाले दिवस मनाउन सडक नाटक लगायतका कार्यक्रम गरिएको बताउनुभयो ।
वडा नं ७ का अध्यक्ष धर्मसिं लामाले नगरपालिकाको सरसफाई अभियानमा बजारका पसल, व्यापारीको सहभागिता नदेखिएको भन्दै अभियानलाई साथ दिएर सरसफाई नगरे कार्वाही, जरिवाना गर्ने चेतावनी दिनुभएको छ । सरसफाई पछि सव डिभिजन कार्यालयको सहकार्यमा जनक माध्यमिक विद्यालय परीसरमा वृक्षारोपण गरिएको थियो ।
सरसफाई कार्यक्रममा उपप्रमुख रत्नबहादुर लामा, वडाअध्यक्षहरु, कार्यपालिका सदस्य, प्रमुख प्रशासकीय अधिकृत शेषकान्त पौडेलसहितका कर्मचारी, विभिन्न सामाजिक संघसंस्थाका प्रतिनिधी, विभिन्न विद्यालयका बाललबालिकाहरुको सहभागिता रहेको थियो ।
