काभे,
रोशी गाउँपालिका वडा नं ९ रजबास स्थित श्री बिन्ध्यवासिनी माध्यामिक विद्यालयमा अन्तर सदन स्तरिय हाजिरी जवाफ प्रतियोगिता सम्पन्न सम्पन्न भएको छ । विद्यालयमा रहेको सुनगाभा बालक्लबले कक्षा १ देखि ५ सम्म अन्तर सदन स्तरिय हाजिरी जवाफ प्रतियोगिता सम्पन्न गरेको हो । रन्जित तुम्सिङ मगरको अध्यक्षता र विद्यालयको प्रधानाध्यापक तिलकराज न्युरेको प्रमुख आतिथ्यतामा प्रतियोगिता सम्पन्न भएको हो । प्रतियोगितामा रातो सदन प्रथम, हरियो सदन द्वितीय र पहेँलो सदन तृतीय भएका छन् ।
कार्यक्रममा उपस्थित अतिथिहरुले बालक्लबले गरेको यसप्रकारको कार्यबाट सहभागी विद्यार्थी र सम्पूर्ण विद्यार्थीहरुको बौद्धिक विकासमा सहयोग पुग्ने बताउदै उच्च प्रसंशा गरेका छन् ।
मन्तव्यको क्रममा बिद्यालयका प्रधानाध्यापक तिलकराज न्युरेले हामिले बालक्लबबाट बालबालिकाको समग्र विकास र सहभागिताको लागि सृजनात्मक कार्यको अपेक्षा गरेकोमा सुनगाभा बालक्लबले सो कार्य गर्न सफल भएकोमा बालक्लब परिवारलाई बधाइ दिनुभयो ।
त्यसैगरि सभापति रन्जित तुम्सिङ मगरले बाल अधिकार, बाल विकास र सहभागिताको क्षेत्रमा बालक्लबले लामो समयदेखी काम गरिरहेको र संस्थाको प्रगती र विकासको लागि सबैको सल्लाह सुझाव र सहयोगको अपेक्षा राखेको बताउनुभयो ।
आगामी दिनहरुमा पनि यसप्रकारको कार्य गर्दै जाने प्रतिवद्दता व्यक्त गर्नुहुँदै उँहाले कार्यक्रम सफल बनाउन सहयोग गर्ने सबैलाइ धन्यवाद दिनुभयो । कार्यक्रममा सृजना शाहले स्वागत मन्तव्य राख्नुभएको थियो भने प्रगुण राना मगर र मुस्कान तामाङले सञ्चालन गरेका थिए ।
