काभ्रे,रेडियो रोशी,
रोशी खोलामा आएकोे बाढीले रोशीको माम्तीमा डाइभर्सन बगाउँदा बीपी राजमार्ग अवरुद्ध भएको छ । हिजो दिउँसो देखिको वर्षाको कारण रोशी खोलामा आएकोे बाढीले गाउँपालिकाको वडा नम्बर ११ र १२ सीमानामा रहेको माम्ती खोला नजिकै डाइभर्सन बगाएपछि बीपी राजमार्ग अवरुद्ध भएको हो ।
खोलाले डाइभर्सन बगाएपछि बीपी राजमार्ग भएर आवतजावत गर्ने गाडी बाटोमै अलपत्र परेका छन् । इलाका प्रहरी कार्यालय मंगलटारका अनुसार काठमाण्डौबाट पुर्वतिर गइरहेका गाडीलाई भकुण्डेबेसीमा र पुर्वबाट आएका गाडीलाई खुर्कोट र नेपालथोकमा रोकेर राखिएको छ ।
त्यसैगरि बाढीले रोशीको बिभिन्न ठाउका सडकहरु क्षती पुर्याएको छ । रोशी ९ बोक्सीकुनाको सडक र कटुन्जेको घुमौनेको सडक एकतर्फि बनेको छ । त्यसैगरि रोशी–८ डिप्सा बेशी र तेमाल–५ गिम्दि जोड्ने पुलमा क्षतिक्षती पुर्याएको छ । त्यसैगरी रोशी गाउँपालिका–६ स्थित सिपाली हुँदै महाभारत गाउँपालिका जाने सडकको ह्युम पाइप पनि बगाएको छ ।
अवरुद्ध बीपी राजमार्ग ३ वटा स्काभेटर र ४ वटा टिफरको सहायताले अबको ४, ५ घन्टामा पुर्ण रुपमा खुलाउने गरि काम भइरहेको इलाका प्रहरी कार्यालय मंगलटारले जानकारी दिएको छ । अर्को सुचना नआएसम्म बि.पि. राजमार्ग हुँदै जाने सवारी साधनहरु उक्त बाटो प्रयोग नगर्न प्रहरीले आग्रह गरेको छ ।
