काभ्रे,रेडियो रोशी,
भकुण्डेबेसी जेसिजले रोशी गाउँपालिका भित्रका बिभिन्न तीनवटा प्राथमिक विद्यालयका विद्यार्थीहरूलाई न्यानो कपडा वितरण गरेको छ। आज भकुण्डेबेसी जेसिज वर्ष २०२६ की अध्यक्ष रञ्जना उप्रेतीको नेतृत्वमा रोशी गाउँपालिका वडा नं. ५ को विद्या विकास प्राथमिक विद्यालय, रोशी ६ को ठाकुरस्थान प्राथमिक विद्यालय र रोशी ६ कै सिद्धार्थ प्राथमिक विद्यालयका विद्यार्थीहरूलाई न्यानो कपडा (स्विटर, टोपी) वितरण गरिएको हो ।
विद्या विकास प्राथमिक विद्यालयमा ३३ थान स्वेटर र टोपी, ठाकुरस्थान प्राथमिक विद्यालयमा २२ थान स्वेटर र टोपी र सिद्धार्थ प्राथमिक विद्यालयमा ४ थान स्वेटर र टोपी वितरण गरिएको भकुण्डेबेसी जेसिज शाखा सम्पादक कल्याण काफ्लेले जानकारि दिनुभयो । त्यसैगरि ठाकुरस्थान प्रा.वि का विद्यालय व्यवस्थापन समिति अध्यक्ष प्रकाश रेग्मीले तीन वटै विद्यालयका विद्यार्थीहरूलाई कपी र पेन्सिल बितरण गर्नुभएको थियो ।
कार्यक्रमलाई सम्बोधन गर्नुहुर्दैै अध्यक्ष उप्रेतीले शिक्षाको ज्योति फैलाउन बालबालिकाको स्वास्थ्य र सहजता पनि उत्तिकै महत्त्वपूर्ण रहने बताउनुहुदै सानो सहयोगले बालबालिकाहरूको सिकाई प्रक्रियामा उत्साह थपिने विश्वास लिएको बताउनुभयो । बढ्दो चिसोबाट विद्यालय जाने बालबालिकालाई केहि मात्रामा भएपनि राहत मिलोस् भन्ने उद्देश्यले न्यानो कपडा वितरण गरिएको उहाँको भनाई छ ।
कार्यक्रममा स्थानीय जनप्रतिनिधि र विद्यालय व्यवस्थापन समितिका पदाधिकारीहरूले जेसिजले गरेकोे यो कार्यको प्रशंसा गर्दै धन्यवाद ज्ञापन गरेका थिए। भकुण्डेबेसी जेसिजले आगामी दिनहरूमा पनि यस्तै समाजसेवाका कार्यहरूलाई निरन्तरता दिने प्रतिबद्धता व्यक्त गरेको छ। कार्यक्रममा कार्यकारी उपाध्यक्ष शिव प्रसाद न्यौपाने, शाखा सम्पादक कल्याण काफ्ले, विद्यालयका विद्यार्थी तथा शिक्षकहरू, अभिभावकहरु लगायतकोे सहभागिता रहेको थियो ।
