काभ्रे,
रोशी गाउँपालिकाको चौथो कार्यपालिका बैठक आज सम्पन्न भएको छ । गाउँपालिका अध्यक्ष दिनेश लामाको अध्यक्षता एवं पालिकाभित्रका १२ वटै वडाका वडा अध्यक्ष, कार्यपालिका सदस्यहरुको उपस्थिति भएको बैठकले गाउँपालिकामा रहेका ६० वर्षमाथिका ज्येष्ठ नागरिकहरुको निःशुल्क स्वास्थ्य विमा कार्यको लागि ज्येष्ठ नागरिक स्वास्थ्य विमा कार्यक्रम कार्यन्वयन मापदण्ड २०७९ स्वीकृत गर्ने निर्णय गरेको छ ।
त्यसैगरी पालिका अन्तर्गत रहेका साविकका गाउँ विकास समितिहरु खहरेपाँगु, शिखर आम्बोटे, महादेवटार, सिसाखानी, सिपाली चिलाउने, कटुन्जेवेशी, खार्पाचोक, मंगलटार, वाल्टिङ र भिमखोरीको नाममा रहेको जग्गाहरु सम्बन्धित वडा कार्यालयको नाममा नामसारी गर्नको लागि सम्बन्धित निकायमा सिफारिस गर्ने , क्रसर व्यवसायलाई व्यवस्थित रुपमा सञ्चालन गर्नको लागि क्रसर व्यवसायीसँग २०७९ साल कार्तिक १८ गते गाउँपालिकामा छलफल गर्ने निर्णय भएको छ ।
