काभ्रे,
रोशी गाउँपालिकामा गाउँकार्यपालिका सदस्य र क्रसर व्यवसायीबिच वैठक सम्पन्न भएको छ । आज गाउँपालिका उपाध्यक्ष मिमबहादुर वाईवा (ज्वाला) को अध्यक्षतामा गाउँकार्यपालिका सदस्य र गाउँपालिकाभित्र संचालित ढुंगा खानी तथा क्रसर व्यवसायीहरु बिच छलफल तथा समिक्षा गरिएको हो । छलफलमा विगतका निर्णयहरुको कार्यन्वयनको अवस्था तथा समिक्षा गरिएको छ , जसमध्ये राजमार्ग आवतजावत सुचारु, नाली तथा कुलो व्यवस्थापन , डस्ट व्यवस्थापन तथा वृक्षारोपण, अनिवार्य जीवन बिमा तथा जोखिम व्यवस्थापन, जनगुनासो व्यवस्थापन तथा नविकरण सम्बन्धमा छलफल एवं समिक्षा भएको गाउँपालिका प्रमुख प्रशासकिय अधिकृत रामबहादुर तामाङले जानकारी दिनुभयो ।
कतिपय व्यवसायीले गाउँपालिकाले तोकिएको निश्चित मापदण्ड अनुकुल कार्यन्वयन गरिएको भएतापनि अधिकांस व्यवसायीले भने उक्त निर्धारित मापदण्ड बमोजिम कार्यन्वयनन गरेको पाईएको छ ।
वैठकबाट राजमार्गमा सहज ढंगले आवत् जावत् गर्न, नाली तथा कुलो व्यवस्थापन गर्न, डस्ट व्यवस्थापन तथा वृक्षारोपण गर्ने, उद्योगमा कार्यरत सम्पूर्ण कर्मचारीहरुको अनिवार्य जीवन बिमा गर्न र उद्योगको कारण कुनै पनि नागरिकमा असर पर्न गएमा जनगुनासोको व्यवस्थापन गर्ने एवं कार्यविधिअनुरुप कार्यन्वयन गर्ने निर्णय भएको प्रमुख प्रशासकिय अधिकृत रामबहादुर तामाङले जानकारी दिनुभयो ।
