काभ्रे,
नेपाली कांग्रेस काभ्रेपलाञ्चोकको शिक्षा शाखाले सामुदायिक विद्यालयमा कार्यरत शिक्षक तथा कर्मचारी पारिश्रमिक रोकिएको प्रति विशेष ध्यानाकर्षण गराएको छ । कांग्रेसको शिक्षा शाखा प्रमुख दिपेन्द्र पौडेलले एक विज्ञप्ति मार्फत विशेष ध्यानार्कषण गराउनु भएको हो ।श्रमजीवी शिक्षक कर्मचारीको दैनिकी माथि खेलबाड गरेमा कडा कदम चाल्न बाध्य हुने चेतावनी विज्ञप्तिमा उल्लेख गरिएको छ ।
विज्ञप्तिमा विगत केही महिना देखि हाल सम्म जिल्लाका सामुदायिक विद्यालयमा कार्यरत शिक्षक तथा कर्मचारी साथीहरुले पाउनुपर्ने पारिश्रमिक तथा सेवा सुविधाहरु रोकिएको अवस्थामा रहेकाले देशको भविष्यका कर्णधारहरु उत्पादन गराउन आफ्नो जीवन व्यतित गर्ने शिक्षक तथा कर्मचारीहरु नै आफ्नो हक अधिकारबाट बञ्चित रहनुपर्ने अवस्था अत्यन्त दुःखद् रहेको उल्लेख गदै सो अवस्था प्रति नेपाली कांग्रेस काभ्रेपलाञ्चोक, शिक्षा शाखा खेद प्रकट गर्दछ साथै यथाशिघ्र सो समस्याको समाधानका निमित्त स्थानीय तह तथा समन्वयका लागि जिल्ला शिक्षा विकास समन्वय इकाई काभ्रेपलाञ्चोकलाई विशेष ध्यानाकर्षण गराउन चाहेको उल्लेख गरिएको छ । यदि अनुरोधलाई बेवास्था गरी श्रमजीवी शिक्षक कर्मचारीको दैनिकी माथि खेलबाड गरेमा कडा कदम चाल्न बाध्य हुने चेतावनी दिईएको छ ।
