जिल्ला खेलकुद महोत्सवका लागि रोशीका खेलाडीहरुलाई जर्सी र ट्रयाकसुट वितरण

काभ्रे,
माघ २० (भोली) देखि सुरु हुने जिल्ला खेलकुद महोत्सवका लागि रोशी गाउँपालिकाका खेलाडीहरुलाई गाउँपालिकाले जर्सी र ट्रयाकसुट वितरण गरिएको छ । “स्वास्थ्यका लागि खेलकुद राष्ट्रका लागि खेलकुद” भन्ने मूल नाराका साथमा जिल्ला खेलकुद विकास समिति काभ्रे र जिल्ला समन्वय समितिको आयोजनामा पनौती क्षत्रिय रंगशालामा हुन गईरहेको छ । उक्त महोत्सवमा रोशी गाउँपालिकाबाट कराँतेबाट खेलाडी ३ जना, प्रशिक्षक १ जना, टिम व्यवस्थापक १ जना रेफ्रि २ जना हुने भएको छ । त्यसैगरी कबर्दीको लागि महिला १२ जना, पुरुष १२ जना, टिम व्यवस्थापक १ जना, प्रशिक्षक १ जना छनोट गरिएको छ । भलिबल तर्फ खेलाडी ११ जना, प्रशिक्षक १ जना, व्यवस्थापक १ जना, एथलेटिक्स तर्फ महिला खेलाडी १ जना, पुरुष १ जना, टिम व्यवस्थापक १ जना, प्रशिक्षक १ जना, फुटबल तर्फ खेलाडी १६ जना, व्यवस्थापक १ जना, प्रशिक्षक १ जना, छनौट भएको उक्त सम्पूर्ण खेलको संयोजक दिल दोर्जे लामाले बताउनुभयो ।